Татарстанда социаль газлаштыру программасына керүче коммерцияле булмаган бакчачылык ширкәтләре исемлеге бастырылды
Татарстан Росреестры мәгълүматлары буенча, бу исемлеккә 196 бакчачылык ширкәте кергән.
Татарстан Росреестры эксперты Алсу Сафина аңлатканча, социаль газлаштыру программасында катнашу өчен төп критерийлар булып гражданнарның бакчачылыкны алып бара торган территорияләрнең торак пункт чикләрендә урнашуы һәм күчемсез милекнең Бердәм дәүләт реестрында теркәлгән физик затның җир кишәрлегенә һәм торак йортка милек хокукы тора. Газлаштырылырга тиешле торак пункт яисә газлаштыру программасы агымдагы елда коммерцияле булмаган бакчачылык ширкәтләре чикләренә кадәр газ челтәрләре төзүне күздә тота. Коммерцияле булмаган бакчачылык ширкәтләрен газлаштыруны тәмамлау планнары-графиклары субъектларның хакимият органнары тарафыннан раслана.
Элегрәк Росреестр коммерцияле булмаган бакчачылык ширкәтләрен социаль газлаштыруны тәмамлау программасы буенча гражданнарның еш бирелә торган сорауларына җаваплар әзерләгән иде. «Путеводитель садовода» методик киңәшләре белән бергә җаваплар хәзер ведомствоның рәсми сайтында урнаштырылган.
"Россия Федерациясе Президентының торак пунктларда урнашкан коммерцияле булмаган бакчачылык ширкәтләрен социаль газлаштыру программасына кертү турындагы йөкләмәсеннән соң, Росреестр берьюлы берничә юнәлеш буенча эшне оештырды. Аларның берсе бакчачыларның сорауларына җавап бирүгә кагылды. Без аларның иң популярларын җыйдык һәм җентекле җаваплар әзерләдек. Ачык мәгълүмат догазификация процессын тиз һәм халык өчен максималь аңлаешлы итәчәк",-дип сөйләде статс – секретарь-Росреестр җитәкчесе урынбасары Алексей Бутовецкий.
Программаны гамәлгә ашыру буенча аеруча актуаль сорауларга җаваплар түләүсез газлаштыру һәм торак йортны газ бүлү челтәрләренә тоташтыру шартларына, газлаштыру срокларына һәм графикларына, торак йортка һәм бакча җир кишәрлегенә хокукларны рәсмиләштерү тәртибенә, гомуми билгеләнештәге җир кишәрлегенең чикләрен билгеләүгә, коммерцияле булмаган бакчачылык ширкәтләре территорияләрен комплекслы кадастр эшләрен башкаруга кагыла.
Росреестр бәяләвенчә, социаль газлаштыру программасына якынча 1,5 млн бакчачылар йорты керә алачак, Татарстанда - якынча 16,5 мең йорт хуҗалыгы.