ФИНАНС ХЕЗМӘТЛӘРЕН КУЛЛАНУЧЫГА БЕЛЕШМӘЛЕК

Роспотребнадзор хәбәр иткәнчә, соңгы елларда кулланучылар кредиты халык арасында популярлаша бара. Товарларны яки хезмәт күрсәтүләрне кредитка алу– әлегә сатып алу өчен җитәрлек суммасы булмаган яисә кирәкле товар (хезмәт күрсәтү) өчен бер мәртәбә түләргә әзер булмаган кешеләр өчен яхшы карар.

Кредитлау буенча мөнәсәбәтләр-ул, барыннан да элек, РФ Гражданлык кодексы, Кулланучылар хокукларын яклау турындагы закон; «Банклар һәм банк эшчәнлеге турында» Федераль закон, шулай ук канун таләпләренә туры килергә тиешле кредит килешүе белән җайга салына торган хокукый мөнәсәбәтләр.

Кредит шартнамәсе буенча банк яисә башка кредит оешмасы (кредитор) заемчыга Шартнамәдә каралган күләмдә һәм шартларда акча (кредит) бирергә, ә заемчы алынган акчаны кире кайтарырга һәм аңа процентлар түләргә йөкләмә ала.

Кредит килешүе төзер алдыннан:

· Үзегезнең финанс мөмкинлекләрегезне бәяләгез.

· Төбәктә эшләүче кредит оешмалары һәм аларның абруе турында мәгълүмат җыегыз

· Кредит килешүенә кул куйганчы, аны игътибар белән укыгыз, шартларны өйрәнегез.

· Кредитордан кредит килешүенең типик формасын үзегезгә бирүен сорагыз. Иң яхшы вариант төрле кредит оешмаларында кредит шартнамәләренең типик формаларын җыю булачак. Шартнамәнең типовой формасын бирүдән баш тарту сезне сагайтырга тиеш. Мөмкинлек булганда тәҗрибәле юрист белән киңәшләшегез.

Кредит килешүендәге банкның хезмәт күрсәтү тарифларына сылтамаларга игътибар итегез. Банк хезмәткәрләреннән бу тарифлар турындагы мәгълүматны сорарга һәм өйрәнергә кирәк.

Кредит биргәндә кулланучыга хәбәр ителергә тиеш:

· кредит күләме;

· кулланучы түләргә тиешле тулы сумма;

· бу сумманы юкка чыгару графигы;

· заемщикның кредит шартнамәсе шартларын үтәмәүгә бәйле түләүләр исемлеге һәм күләме.

Исегездә тотыгыз, банк хезмәт күрсәтү турында кирәкле һәм дөрес мәгълүматны күрсәтмә һәм сезнең өчен аңлаешлы формада җиткерергә тиеш, димәк, сез язма рәвештә рәсмиләштерелгән мәгълүмат бирүне таләп итәргә хокуклы.

Кулланучылар хокукларын яклау турындагы Законның 12 маддәсе нигезендә, әгәр кулланучыга шартнамә төзегәндә хезмәт күрсәтү турында (шул исәптән финанс хезмәте турында да) кичекмәстән мәгълүмат алу мөмкинлеге бирелмәсә, ул шартнамә төзүдән нигезсез рәвештә читләшү аркасында китерелгән зыянны үтәүчедән каплауны таләп итәргә, ә шартнамә төзелгән булса, тиешле срокта аны үтәүдән баш тартырга һәм түләнгән сумманы кире кайтаруны һәм башка зыянны каплауны таләп итәргә хокуклы..

Кредит шартнамәсен төзегәндә һәм үтәгәндә игътибар итәргә кирәк булган тагын бер мөһим аспект-шартнамәгә кулланучыларның законлы хокукларын кыса торган шартларны кертү.

Кайвакыт кредит оешмалары заем алучылар белән шартнамәләргә кулланучының хокукларын кыса торган түбәндәге шартларны кертәләр:

1. Кредитлау хезмәтләрен заем алучының аларның гомерен һәм сәламәтлеген иминләштерү хезмәтләрен мәҗбүри сатып алуы белән бәйле.

2.Кредитны/кредит өлешен вакытыннан алда кире кайтарган өчен комиссия йә неустойка алуны күздә тоталар.

3. Ссуда счетын ачкан һәм алып барган йә заемчы түләргә тиешле кредит биргән өчен комиссия билгелиләр.

4. Якларда килешү буенча йөкләмәләрне үтәү процессында килеп чыгарга мөмкин булган бәхәсләрне һәм каршылыкларны карау урынын билгелиләр, мәсәлән, кредитор филиалы урнашкан урында яки аның төп офисы урнашкан урында.

5. Кредиторның берьяклы тәртиптә кредит буенча процентлар күләмен үз каравы буенча арттыру хокукын күздә тоталар.

Әгәр кредит шартнамәсен үтәгәндә кулланучының хокуклары бозылса, Банк адресына язма дәгъва белән мөрәҗәгать итәргә кирәк, анда, мәсәлән, кредит шартнамәсе текстыннан кулланучының хокукларын кыса торган пунктны төшереп калдыруны һәм зыяннарны каплауны таләп итәргә кирәк. Дәгъваның бер нөсхәсен банкның кабул итү бүлмәсенә шәхсән тапшырырга (бу очракта сездә калган икенче нөсхәдә кабул итү турында тамга куюны сорагыз) яисә почта аша, иң яхшысы-тапшыру турында хәбәр ителә торган заказлы хат белән җибәрергә кирәк.

Әгәр сез банктан үз таләпләрегезне канәгатьләндерүдән рәсми рәвештә баш тарткан булсагыз яки билгеләнгән вакытта җавап алмаган булсагыз, үз хокукларыгызны һәм законлы мәнфәгатьләрегезне яклау өчен судка дәгъва гаризасы белән мөрәҗәгать итәргә кирәк.

Әгәр кредит шартнамәсе бер ел элек төзелгән булса һәм анда кулланучыларның закон белән билгеләнгән хокукларын кыса торган шартлар булса, кулланучы гаризасы буенча Роспотребнадзорның Мордовия Республикасы буенча идарәсе банкны административ җаваплылыкка тартырга мөмкин.

Истә тотарга кирәк! Әгәр кулланучы кредит шартнамәсендә каралган нинди дә булса түләүләрне вакытында һәм/яки тулы күләмдә башкармаса яисә бөтенләй башкармаса, банк тарафыннан неустойка (штраф, пеня) түләү һәм кредитны вакытыннан алда кайтару турында таләп куелырга мөмкин, шуңа күрә чираттагы түләүләрне кертү срокларын игътибар белән күзәтергә кирәк.