Хәзер ачык кадастр картасын "Киңлек мәгълүматларның милли системасы" платформасында карарга мөмкин.
Татарстан Росреестрында аңлатуларынча, ачык кадастр картасы киңлек мәгълүматларының милли системасы порталының төп битендә урнаштырылган һәм аның барлык кулланучыларына авторизация зарурлыгыннан башка һәм түләү алмыйча мөмкин.
Шул ук вакытта ачык кадастр картасында катламнарның бөтен мәҗбүри составы сакланып калган һәм кулланучылар өчен яңа мөмкинлекләр өстәлгән.
2024 елда Росреестр «Киңлек мәгълүматларының милли системасы» бердәм цифрлы платформасының икенче чиратын файдалануга тапшырды, аның кысаларында без системага ачык кадастр картасын күчерәбез, шулай ук кайбер яңа сервисларны эшләтеп җибәрәбез. Ачык кадастр картасы мөмкинлекләре камилләштерелгән һәм яңа функцияләр белән тулыландырылган, шул исәптән ресурс битеннән кулланучылар хәзер шундук Киңлек мәгълүматларының милли системасы сервисларына күчә яки Бердәм дәүләт күчемсез милек реестрыннан өземтә рәвешендә тиешле мәгълүмат сорый алачак, бу ведомствоның клиент үзәкләшү ягына чираттагы адымы булды.
Элек ачык кадастр картасында урнашкан «Төзелеш өчен җир» һәм «Туристлык өчен җир» проектлары хәзер шулай ук күчерелде
Киңлек мәгълүматларының милли системасы бердәм цифрлы платформасының сервис өлешенә һәм гражданнар һәм бизнес өчен тулы кыйммәтле сервисларга трансформалаштырылган. Алар ярдәмендә торак төзелеше өчен җир кишәрлекләрен һәм территорияләрне сайлап алырга, туристлык проектларын гамәлгә ашырырга мөмкин.
"Ачык кадастр картасы озак вакыт күчемсез милек кадастры белешмәләре белән эшләү өчен мөһим корал булып калды. Әмма технологияләр үсеше һәм кулланучыларның үсә барган ихтыяҗлары заманчарак платформа булдыруны таләп итте. Ачык кадастр картасын Киңлек мәгълүматларының милли системасына интеграцияләү төрле чыганаклардан алынган мәгълүматларны берләштерергә, киңәйтелгән функцияләр бирергә һәм системада кулланучыларның эшен гадиләштерергә мөмкинлек бирәчәк", - дип шәрехләде Татарстан Росреестры җитәкчесе урынбасары Нияз Галиәкбәров.
«Роскадастр» гавами-хокук компаниясенең Татарстан Республикасы буенча филиалы директоры Илнур Хисмәтуллин сүзләренә караганда, «Киңлек мәгълүматларының милли системасы ачык кадастр картасын гына алыштырып калмыйча, киңлек мәгълүматлары белән бәйле күп кенә яңа сервислар өчен нигез дә булачак. Якын арада картографик мәгълүмат белән эшләүне яхшыртуга юнәлдерелгән тугыз яңа инструментны эшләтеп җибәрү планлаштырыла".
"Киңлек мәгълүматларының милли системасының барлык бүлекләрен бер сайтка берләштерү, беренче чиратта, белгечләр өчен уңайлы эшне күздә тота – хәзер берьюлы берничә сайт ачарга кирәкми, барлык киңлек мәгълүматлары платформада бар. Фонд тарафыннан күпчелек генераль планнар, җирдән файдалану һәм төзелеш кагыйдәләре эшләнүен исәпкә алып, бер генә көн дә ачык кадастр картасына мөрәҗәгать итмичә узмый. Бу берләшмә тикшерү, мәгълүматлар алу, димәк, киләчәктә шәһәр төзелеше документларын эшләү процессын тизләтер дип уйлыйм», - дип билгеләп үтте "Татарстан Республикасы киңлек мәгълүматлары фонды" ДБУ директоры Дмитрий Лунегов.
Платформада гамәлгә ашырылган яңа сервислар арасында "Кече бизнес өчен урыннар», «Фермер өчен җир», "XML визуализаторы" (киңлек мәгълүматларын визуализацияләү) һәм башкалар бар. Алар ярдәмендә киңлек мәгълүматларының милли системасын кулланучылары стационар булмаган сәүдә объектларын урнаштыру өчен урыннар яки авыл хуҗалыгы алып бару өчен җир кишәрлекләре таба, картага сала һәм электрон рәвештә алынган кадастр эшләренең нәтиҗәләрен карый алачак.
Әлеге үзгәрешләр 2024 елның 8 августындагы 317-ФЗ номерлы Федераль законны уңышлы гамәлгә ашыруга ярдәм итәчәк, аның нигезендә 2025 елның 1 гыйнварыннан киңлек мәгълүматларының милли системасының бердәм цифрлы платформасы дәүләт һәм муниципаль хезмәтләр күрсәткәндә кулланылачак. Бу мондый хезмәтләр күрсәтү вакытын кыскартырга, вәкаләтле органнар тарафыннан туктатып торулар һәм хаталар санын киметергә мөмкинлек бирәчәк.
«Киңлек мәгълүматлары милли системасының "бердәм цифрлы платформасы" федераль дәүләт мәгълүмат системасы Росреестрның флагман проекты булып тора. Ул тулысынча илебезнең импортны алмаштырган геомәгълүмати технологияләрендә гамәлгә ашырылган һәм төрле мәгълүмат системаларыннан һәм ачык хакимият органнары ресурсларыннан алынган актуаль һәм легитим ачык киңлк мәгълүматларын берләштерүгә юнәлдерелгән. Киңлек мәгълүматлары милли системасының беренче чираты 2023 елның декабрендә файдалануга тапшырылган, ә 2024 елның 23 декабрендә – икенчесе тапшырылган. Бу бөтен ил халкына, бизнес вәкилләренә һәм хакимият органнарына киңлектәге мәгълүматлардан файдаланырга һәм бердәм цифрлы платформа сервисларыннан файдаланырга мөмкинлек бирде.
Бүгенге көндә системаны булдыруга кушылган төбәкләрнең гомуми колачы 63 кә кадәр артты. Һәм хәзер Киңлек мәгълүматлары милли системасында инде 25 федераль һәм 79 төбәк мәгълүмат системасының киңлек мәгълүматлары бар. 2030 елга Росреестр Киңлек мәгълүматлары милли системасының цифрлы платформасында илнең барлык ачык киңлек мәгълүматларын берләштерәчәк.
Игътибарга
«Киңлек мәгълүматлары милли системасы» бердәм цифрлы платформасы 2021 елның декабрендә РФ Хөкүмәте тарафыннан расланган «Киңлек мәгълүматлары милли системасы» дәүләт программасы кысаларында гамәлгә ашырыла. Киңлек мәгълүматлары милли системасы порталы, Росреестрның рәсми сайты кебек үк, Россия куркынычсызлык сертификатларында эшли. Алар чит ил программа тәэминаты белән хупланмый, ләкин якланган тоташуны тәэмин итү, сезнең мәгълүматларны һәм онлайн-транзакцияләрне саклау өчен кирәк.
Барлык сайтларга һәм сервисларга өзлексез керү өчен Россия сертификатлары (мәсәлән, Яндекс яки Атом) ярдәмендә браузерлар кулланырга, шулай ук дәүләт хезмәтләре порталыннан төп сертификатларны күчереп алырга һәм аларны урнаштырырга киңәш итәбез, сезнең җайланма өчен инструкциядә күрсәтелгәнчә.