Әлфия Когогина: ике фән буенча бердәм дәүләт имтиханын тапшыру турындагы пилот проекты техникум һәм көллиятләргә керүчеләр санын арттыруга юнәлдерелгән
Дәүләт Думасы тугызынчы сыйныф укучыларын йомгаклау аттестациясенең яңа тәртибен күздә тоткан закон проектын беренче укылышта кабул итте.
РФ Дәүләт Думасы депутаты, «Эшмәкәрлек» федераль проект координаторы Әлфия Когогина: «Инициатива Россиянең технологик суверенитетын тәэмин итү өчен кирәкле һөнәри кадрларны алга таба формалаштыру өчен техникумнарга һәм көллиятләргә керүчеләр санын арттыруга юнәлдерелгән. Сынау проекты агымдагы елда биш төбәктә гамәлгә ашырылачак һәм уңай нәтиҗәләр очрагында бөтен Россия буенча таратылачак».
Документ нигезендә, Мәскәүдә, Санкт-Петербургта, Ростов һәм Төмән өлкәләрендә, Төньяк Осетия – Алания Республикасында тугызынчы сыйныфтан соң урта һөнәри белем бирү оешмаларына керергә планлаштыручы укучыларга бары тик ике чыгарылыш имтиханын гына тапшыру җитә – рус теле һәм математика буенча. 10 нчы сыйныфка баручылар элеккечә дүрт имтихан тапшырачак – икесе мәҗбүри (рус теле һәм математика) һәм икесе сайлап алу буенча.
Имтиханны уңышлы тапшыру өчен кирәкле минималь баллны төбәкләр үзләре билгели алачак.
Моннан тыш, техникум яки көллият урнашкан төбәк территориясендә 9 сыйныфны тәмамлаучыларны урта һөнәри белем бирү оешмаларына өстенлекле тәртиптә бюджет урыннарына күчерү күздә тотыла.