Демобилизацияләнгән махсус хәрби операциядә катнашучылар Россия Социаль фондының тернәкләндерү үзәкләрендә дәваланырга мөмкин
Фондка буйсынган тернәкләндерү үзәкләрендә медицина тернәкләндерүе һәм шифаханә-курорт дәвалануы буенча хезмәтләрне демобилизацияләнгән махсус хәрби операциядә катнашучылар быелдан ала башладылар. Россия Социаль фондының Татарстан Республикасы буенча бүлеге дәвалану процессы дәвамында махсус хәрби операциядә катнашучыны шәхсән озатып йөрүне тәэмин итәчәк. Тернәкләндерү 25 көнгә кадәр, шифаханә-курортта дәвалану 21 көнгә кадәр дәвам итәчәк. Санаторий-курорт дәвалануын елга бер тапкыр узарга мөмкин.
Тернәкләндерү үзәкләренә җибәрелгәндә ветеранның сәламәтлеге торышы турында медик-социаль экспертиза мәгълүматлары исәпкә алына. Әгәр элегрәк ул тикшерү узмаган һәм инвалидлыгы булмаган булса, тернәкләндерү үзәгендә диагностика үткәрәчәкләр һәм мөстәкыйль рәвештә дәвалану курсын билгеләячәкләр. Россия Герое исеме яки беренче төркем инвалидлыгы булган махсус хәрби операциядә катнашучылар социаль Фондның тернәкләндерү үзәкләренә дәвалануга чираттан тыш юллама алырга хокуклы.
Тернәкләндерү үзәкләрендә дәвалануга гаризаны Россия Социаль фондының Татарстан бүлегенең барлык клиент хезмәтләрендә һәм күпфункцияле үзәкләрдә бирергә мөмкин. Белгечләр гаризасы буенча карар 2 эш көне эчендә кабул ителә.
Махсус операция ветераннары өчен тернәкләндерү һәм шифаханә-курорт дәвалау хезмәтләреннән файдалану мөмкинлеген арттыру өчен тернәкләндерү үзәгенә кадәр бару һәм кире кайту чыгымнарын компенсацияләү каралган. Моннан тыш, махсус хәрби операция ветераны, әгәр аңа I төркем инвалидлык яки озатуга мохтаҗлык тернәкләндерү өчен медицина документларында билгеләнгән булса, үзе белән озатып йөрүчене дә ала ала. Озатып йөрүченең йөрүе һәм яшәве өчен шулай ук Татарстан Республикасы буенча социаль фонд бүлеге түли. Юл чыгымнарын каплау өчен ветеранга гариза бирергә һәм юл йөрүне раслый торган документларны теркәргә кирәк. Бу теләсә нинди транспорт төре булырга мөмкин, шул исәптән поезд, самолет, су транспорты, автобус яки шәхси автомобиль.
"Без демобилизацияләнгән махсус хәрби операция катнашучылары өчен тернәкләндерү процессын мөмкин кадәр уңайлы итәргә омтылабыз. Аларның һәркайсы игътибарга һәм ярдәмгә лаек, һәм безнең бурыч — аларны сәламәтлекләрен торгызу өчен барлык кирәкле әйберләр белән тәэмин итү", - дип билгеләп үтте Россия Социаль фондының Татарстан Республикасы буенча бүлеге идарәчесе Эдуард Вафин.
Өстәмә мәгълүмат алу яисә консультация алу өчен гражданнар мөрәҗәгать итә ала:
- Бердәм контакт-үзәк аша: 8800-1-00000-1 (бушлай, дүшәмбе - пәнҗешәмбе 08:00-17: 00, җомга 08:00–15:45);
- Россия Социаль фондының Татарстан Республикасы буенча бүлекчәләренең рәсми социаль челтәрләрендә:
- ВКонтактеда
- Одноклассники
- Telegram