Россия Социаль фондының Татарстан Республикасы буенча бүлекчәсе төбәк халкын сак булырга һәм мошенникларның хәйләләренә эләкмәскә чакыра!
Россия Социаль фондының Татарстан Республикасы буенча бүлекчәсе хәбәр иткәнчә, төбәктә халыкка фонд бүлеге хезмәткәрләре исеменнән шалтырату һәм алдау юлы белән шәхси мәгълүматны җиткерергә мәҗбүр итү очраклары ешайган.
Әгәр сезгә шалтыратсалар, үзләрен социаль фонд хезмәткәрләре дип таныштырсалар, пенсияләрне яки башка социаль түләүләрне төгәлләштерү яки яңадан исәпләү өчен шәхси мәгълүматларны әйтергә сорасалар, моны эшләмәгез! Үзегез турында мәгълүматны билгесез кешеләргә хәбәр итмәгез.
«Миңа, имеш, Россия Социаль фондының хезмәткәрләре шалтыраттылар һәм пенсияләрне арттыру турында гариза бирү өчен дәүләт хезмәтләре сайтына күчүне, паспорт мәгълүматларын, банк картасы номерын һәм шәхси кабинеттан парольне атауны сорадылар. Мин шундук Россия Социаль фондының Татарстан буенча бүлегенең контакт-үзәгенә шалтыраттым. Оператор хәбәр иткәнчә, мин дөрес эшләгәнмен, шалтыратучыларның сорауларына җавап бирмәгәнмен», — дип сөйләде Казаннан пенсионер Нурия Сөнгатова.
Таныш булмаган яки шикле номерлардан шалтыратуларга җавап бирмәгез һәм беркайчан да таныш булмаган кешеләргә дәүләт хезмәтләре сайтында шәхси кабинетка керү паролен, паспорт мәгълүматларын, банк картасы номерын һәм аның ПИН-кодын хәбәр итмәгез.
Әгәр телефон аша гражданны шәхси кабул итүгә язып куярга, ә аннары язуны смс кодлары белән расларга тәкъдим итсәләр, бу билгеле бер җинаятьчеләр. Россия Социаль фондының сайтында гражданнар өчен «алдан язылу» электрон сервисы каралган, анда клиент хезмәтенә баруның уңайлы көнен һәм вакытын сайларга мөмкин.
"Россия Социаль фондының Татарстан буенча бүлеге хезмәткәрләре телефон аша шәхси мәгълүматлар сорамый, сылтамалар һәм СМС-хәбәрләр җибәрми. Социаль фондның барлык хезмәтләрен Россия Социаль фонды төбәк бүлегенең клиент хезмәтләрендә, күпфункцияле үзәктә яки дәүләт хезмәтләре порталында алырга мөмкин", - дип билгеләде Россия Социаль фондының Татарстан Республикасы буенча бүлеге идарәчесе Эдуард Вафин.
Еш кына мошенниклар искергән карта яки пенсия керә торган банк счеты номеры турында хәбәр итә һәм акчаларны үзләре үк хәбәр итә торган банк счетына күчерергә мәҗбүр итә. Бу очракта шуны истә тотарга кирәк, пенсия китерү ысулын һәрвакыт социаль Фондның төбәк бүлегенә шәхси гариза биреп, пенсионер үзе генә сайлый.
Социаль ярдәм чаралары, Россия Социаль фондының Татарстан Республикасы буенча бүлегенең түләүләре һәм хезмәт күрсәтүләре турында тулы һәм дөрес мәгълүматны Россия Социаль фонды сайтында һәм социаль челтәрләрдәге рәсми аккаунтларда: ВКонтактеда, Одноклассники һәм Телеграмда табарга мөмкин.
Өстәмә мәгълүмат яисә консультация алу өчен гражданнар Бердәм контакт-үзәк операторларына мөрәҗәгать итә алалар— 8 800 100 0001 (төбәк линиясенең эш режимы дүшәмбедән пәнҗешәмбегә кадәр — 08:00 дән 17:00 гә кадәр, җомга көнне — 08:00 дән 15:45 кә кадәр, тәнәфессез, шалтырату бушлай).