2025 ел башыннан Татарстан халкы электрон сертификатлар ярдәмендә 2,5 меңнән артык техник тернәкләндерү чарасы сатып алган
2025 ел башыннан электрон сертификатлар ярдәмендә Татарстан халкы 2 595 техник тернәкләндерү чарасы сатып алган. Әлеге максатларга Россия Социаль фондының Татарстан Республикасы буенча бүлеге 62 миллион сумнан артык акча җибәрде.
"Электрон сертификат-ул гражданнарга тернәкләндерү һәм яңа күнекмәләрне һәм мөмкинлекләрне үстерү программасында (ИПРА) тәкъдим ителгән тернәкләндерүнең кирәкле техник чараларын яки протез-протопедик эшләнмәләрне сатып алырга мөмкинлек бирә торган түләү инструменты. Сертификат банк картасы кебек эшли: товар өчен түләү гадәти сәүдә нокталарында да, онлайн-кибетләрдә дә бик тиз башкарыла», — дип аңлатты Россия Социаль фондының Татарстан Республикасы буенча бүлеге идарәчесе Эдуард Вафин.
Бүген сертификатлар ярдәмендә заказ буенча эшләнгән шәхси эшләнмәләрне дә кертеп, 300дән артык төрле тернәкләндерү чараларын сатып алырга мөмкин.
Сертификатны инвалидлар, җитештерүдә зыян күргән яки һөнәри авыру алган гражданнар рәсмиләштерә ала. Сертификат аның гамәлдә булу чоры, аның ярдәмендә сатып алырга мөмкин булган тернәкләнедерү эшләнмәләренең төрләре һәм саны, шулай ук граждан өстәмә акчалар кулланмыйча сатып ала алган техник тернәкләндерү чараларының максималь бәясе турында мәгълүматны үз эченә ала.
Электрон сертификат уңайлы, чөнки аны рәсмиләштерүгә гаризаны граждан өйдән чыкмыйча гына дәүләт хезмәтләре Порталы аша бирә ала. Россия Социаль фонды сайтындагы каталогта кирәкле техник тернәкләндерү чараларын мөстәкыйль сайларга, аның бәясен белергә, җитештерүчене һәм электрон сертификатлар кабул итүче кибетләрнең адресларын ачыкларга мөмкин.
Дәүләт хезмәтләре порталыннан тыш, электрон сертификатны рәсмиләштерүгә гаризаны Россия Социаль фондының Татарстан Республикасы буенча бүлегенең клиент хезмәтләрендә һәм күпфункцияле үзәктә бирергә мөмкин. Шунысы мөһим: гражданда сертификат алу өчен «Мир»түләү системасының банк картасы булырга тиеш. Гариза биш эш көне эчендә карала, ә кабул ителгән карар турында хәбәр итү кешегә өч эш көне эчендә җибәрелә.
Әгәр сезнең сорауларыгыз калса, сез һәрвакыт Бердәм контакт-үзәккә шалтырата аласыз— 8 800 100 0001 (төбәк линиясенең эш режимы дүшәмбедән пәнҗешәмбегә кадәр — 08:00 дән 17:00 гә кадәр, җомга көнне — 08:00 дән 15:45 кә кадәр, тәнәфессез, шалтырату бушлай).
Россия Социаль фондының Татарстан Республикасы буенча бүлеге хезмәтләре турында барлык мәгълүматны Россия Социаль фонды сайтында һәм социаль челтәрләрдәге рәсми аккаунтларда: ВКонтактеда, Одноклассники һәм Телеграмда табарга мөмкин.