Менделеевскида иң яхшы мәдәният хезмәткәрләрен бүләкләделәр
Менделеевскида мәдәният хезмәткәрләренең һөнәри бәйрәменә багышланган тантаналы чара узды. Район башлыгы урынбасары Ләйсән Галиева барлык катнашучыларны шушы мөһим көн белән чын күңелдән котлады!
«Юность» кинотеатрында үз эшчәнлекләрендә аерым нәтиҗәләр күрсәткән кешеләрне бүләкләү тантанасы булды. Менделеевски районы мәдәният хезмәткәрләре лаеклы бүләкләр алдылар: ТР vәдәният министрлыгының «Мәдәнияттәге казанышлары өчен» күкрәк тамгалары, ТР vәдәният министрлыгының, «Мәдәният өлкәсендә инновацияләр кертү һәм традицияләрне саклау ресурс үзәге» дәүләт бюджет учрежденияләренең Мактау грамоталары һәм Рәхмәт хатлары, шулай ук район башлыгы һәм мәдәният идарәсеннән.
Сезнең хезмәтегез, кадерле мәдәният хезмәткәрләре, бәяләп бетергесез! Сез районыбызның мәдәни тормышын үстерүгә зур өлеш кертәсез, традицияләрне саклыйсыз һәм яңа буынны рухландырасыз. Эшкә бирелгәнлегегез һәм иҗади якын килүегез өчен рәхмәт сезгә!
Барыгызны да бәйрәм белән котлыйбыз!