Этләрне теркәү мәҗбүри процедура

Ветеринария хезмәте искә төшерә: 2025 елның 1 гыйнварыннан Татарстан Республикасы Министрлар Кабинетының 2024 елның 26 декабрендәге 1214 номерлы карары нигезендә этләрне теркәү мәҗбүри процедурага әйләнде.

Бу процедура ни өчен кирәк һәм ни өчен чиплау Сезнең дүрт аяклы дустыгыз өчен бик мөһим?

Хайванның куркынычсызлыгы. 
Чип сезнең хайван турында мөһим мәгълүматлар, шул исәптән хуҗасы турында контактларны да үз эченә ала. Әгәр эт югала икән, аны чиптан мәгълүматны уку нәтиҗәсендә тиз генә өенә кайтарачаклар.

Сәламәтлеген тикшереп тору. 
Теркәлү һәм чиплау үткәрелгән ветеринария чараларын күзәтергә ярдәм итә, вакытында профилактик вакцинацияне тәэмин итә. Бу ветеринарларның эшен шактый җиңеләйтә.

Хуҗаларның җаваплылыгы. 
Чиплау йортсыз хайваннарның санын  тикшереп торырга ярдәм итә һәм хайваннарны карауга җаваплы мөнәсәбәт тәрбияли.

Законнар. 
Кайбер төбәкләрдә хуҗаларын үз этләрен теркәргә һәм чипларга мәҗбүр итә торган законнар бар. Бу нормаларны бозу административ җәзаларга китерергә мөмкин.

Күбрәк белү яки чиплауга һәм теркәлүгә язылу өчен дәүләт ветеринария берләшмәсенә түбәндәге адрес буенча мөрәҗәгать итә аласыз: Тойма ур., 22 йорт , белешмәләр өчен телефон 8855492-25-45.