Менделеевлылар Экояз конкурсында актив катнашалар
Ял көннәре актив үтте, экологик дулкында!
"Форпост" үзәге активистлары шәһәрне һәм районны чистартуны дәвам итәләр, #Экояз конкурсында катнаштылар. Бу ялларда алар өч чишмәдә һәм шәһәр пляжында булдылар.
"Толкушка" чишмәсендә балалар чүп-чар җыеп, сукмакны чыршы ботакларыннан һәм коры яфраклардан чистарттылар.
Тихоново авылындагы чишмәдә активистлар коендыру ләгәнендәге чери торган такталарны җыештырдылар, корыган үләннән һәм чүп-чардан арындылар.
"Тын таулар" чишмәсендә алар чүп-чар җыйдылар һәм юлларны себерделәр.
Шәһәр пляжы турында да онытмаганнар. Монда, гомумән чиста булса да, барыбер пластик һәм пыяла шешәләр, чипсы пачкалары тапканнар — барысын да җыеп, якындагы каты көнкүреш калдыклары контейнерына алып киткәннәр. Шулай ук пляж юллары да себерелде.
#Экоязда катнашу нәтиҗәсендә шәһәр чистара, ә балалар чын экоактивистларга әверелә. Үз тырышлыгыңның нәтиҗәсен күрү һәм матурлык белән ләззәтләнү-бу илһамландыра!