Әлфия Когогина: Безнең бурыч-гражданнарны һәм аларның акчаларын кибермошенниклардан саклау
Дәүләт Думасы беренче укылышта кибермошенниклыкка каршы торуга юнәлдерелгән өч закон проектын кабул итте.
РФ Дәүләт Думасы депутаты, кече һәм урта эшмәкәрлек комитеты рәисенең беренче урынбасары, «Эшмәкәрлек» федераль проект координаторы Әлфия Когогина: «Кабул ителгән инициативалар пакеты кибермошенниклыкка каршы көрәшнең хокукый механизмнарын киңәйтә. Безнең бурыч-гражданнарны һәм аларның акчаларын саклау. Шуны аңларга кирәк-үзләренең банк карталарын яки счет мәгълүматларын мошенниклар урлаган миллионнарны чыгару өчен акча җыю максатыннан тапшыручы кешеләр җинаятьтә катнашучылар булалар. Һәм моның артыннан җинаять җәзасы булачак, зыянны каплау белән котылып булмаячак. Кабул ителә торган нормалар кешеләрдән урланган акчаларны чыгаруга һәм аларны яшерүгә каршы торырга мөмкинлек бирәчәк».
Закон проектларының берсе РФ Җинаять кодексына дропперлар өчен җаваплылык кертү өлешендә төзәтмәләр кертә. Җинаять эшләренең фигурантлары табыш алу ниятеннән кешеләрдән урланган акчаларны электрон чаралар аша түләүгә ярдәм итүче затлар булачак. Мондый җинаятьләр кылган өчен 1 млн сумга кадәр штраф белән 6 елга кадәр ирегеннән мәхрүм итү янаячак. Нигезләмәләр РФ Җинаять кодексының «түләүләр акчаларының хокуксыз әйләнеше»187 статьясын тулыландырачак.
Тагын бер закон проекты белән РФ җинаять-процессуаль кодексына үзгәрешләр кертелә. Проектлана торган норма тикшерүчегә яки сорау алучыга алдан тикшерү барышында шикле акча операцияләрен туктатып тору турында карарларны судтан тыш тәртиптә оператив рәвештә кабул итәргә мөмкинлек бирәчәк. Тиешле корреспондент үзгәрешләр «Банклар һәм банк эшчәнлеге турында»гы Законга беренче укылышта кабул ителде.