Әлфия Когогина: кабул ителгән инициатива махсус хәрби операциядә һәлак булганнарның туганнары өчен мирасны рәсмиләштерүне гадиләштерә
Дәүләт Думасы икенче һәм өченче укылышта махсус хәрби операциядә һәлак булган катнашучының, яисә махсус хәрби операция уздыру территорияләрендә яшәүче яки вакытлыча булган һәм күрсәтелгән территорияләрдә булган хәлләргә бәйле рәвештә һәлак булган затның туганнары өчен мирас алуның гадиләштерелгән тәртибен билгеләргә тәкъдим итүче закон кабул итте.
РФ Дәүләт Думасы депутаты, кече һәм урта эшмәкәрлек комитеты рәисенең беренче урынбасары, «Эшмәкәрлек» федераль проекты координаторы Әлфия Когогина: «Кабул ителгән инициатива махсус хәрби операциядә һәлак булганнарның туганнары өчен мирасны рәсмиләштерүне җиңеләйтә. Әгәр дә граждан, хәрби, ирекле, көч структуралары хезмәткәре статусына карамастан махсус операция уздыру зонасында һәлак булган яки хәбәрсез югалган икән – мирас кабул итү өчен срок гражданлык хәлате актлары язмасына үзгәрешләр кертелгәннән соң билгеләнәчәк. Бу туганнарына, хәтта үлем факты реестрга үзгәрешләр кертелгәнгә кадәр шактый иртәрәк килеп җитсә дә, мирас эшен рәсмиләштерү өчен аны кабул итү вакытын торгызмыйча гына мөрәҗәгать итәргә мөмкинлек бирәчәк. Моннан тыш, бу варислар арасында кирәкмәгән бәхәсләрдән качарга ярдәм итәчәк".
Әгәр гражданның вафат булуы турындагы белешмә яисә үлем турындагы медицина таныклыгы нигезендә мондый затның үлү датасы билгесез булса йә күрсәтелгән документларны төзү датасыннан 3 айдан артыкка аерылса, әлеге затның мирасы закон нигезендә аның үлеме турында граждан хәлате акты язмасын төзү датасыннан ачыла. Мондый ачылу датасы белән кабул ителгән мирас варисныкы дип варис үлгәннән соң танылачак. Федераль закон 2025 елның 15 июленнән үз көченә керә.