Менделеевскида өченче буын Университетының уку елын тәмамлау тантанасы узды
17 июньдә «Атмосфера» күргәзмә үзәгендә «Өченче буын Университеты» уку елын тәмамлау тантанасы булды.
Ел дәвамында өченче буын вәкилләре 14 факультетта 22 төркемдә белем алдылар, 20 укытучыны укыттылар.
Уку елы тәмамлану белән район башлыгы урынбасары Ләйсән Галиева, Россия Социаль фондының клиентлар хезмәте җитәкчесе Раушан Иштанова, Пенсионерлар берлегенең җирле бүлеге рәисе Валентина Мамакова, яшьләр эшләре һәм спорт идарәсе җитәкчесе Идегәй Миннәхмәтов котладылар
Иң алдынгы укытучыларга, актив студентларга һәм спортчыларга район башлыгы, яшьләр эшләре һәм спорт идарәсе, Россия Социаль фондының клиентлар хезмәте һәм пенсионерлар берлеге исеменнән Рәхмәт хатлары, истәлекле бүләкләр тапшырылды.
Бәйрәм факультет укытучылары әзерләгән концерт номерлары белән үрелеп барды. Ә «Талантлы Әбиләр» клубы кулдан иҗади эшнең искиткеч күргәзмәсен әзерләде.
Тантана азагында барлык катнашучылар «Талантлы Әбиләр» клубы кул эшләре осталары күргәзмәсе белән таныштылар.
Уку елының соңгы кыңгыравын бирү хокукы өченче буын университетының тәҗрибәле укытучысы Ольга Смольковага бирелде.