Район башлыгы хәрби хезмәткәрнең гаиләсен кызлары тууы белән котлады

2025 елның 13 ноябре, пәнҗешәмбе

Күптән түгел Галимовлар гаиләсендә кызлары Айшә туды. Район башлыгы Роберт Искәндәров шәхсән үзе якташыбызның гаиләсен, махсус хәрби операция сугышчысын әлеге вакыйга белән котлады.

Әтиләре - Дамир, сабыйның дөньяга килүен каршы алу өчен, беразга гына өенә кайтып өлгергән. Әнисе Алсу балалар бакчасында тәрбияче булып эшли. Хәзер гаиләдә өч бала: өлкән уллары Радмир һәм Тимерлан һәм аларның сеңлесе Айшә.

Яңа туган кызга чын күңелдән сәламәт һәм бәхетле булып үсүен, ә бөтен гаиләгә сәламәтлек, мәхәббәт һәм бәхет телибез.