2025 елның 16 ноябренә ашыгыч кисәтү

Россия гадәттән тыш хәлләр министрлыгының Татарстан Республикасы буенча баш идарәсе 2025 елның 16 ноябренә Татарстан Республикасы территориясендә  һава шартларының сизелерлек начараюы турында  хәбәр итә.                                              

2025 елның 16 ноябрендә салкын атмосфера фронты узу сәбәпле, Татарстан Республикасы территориясендә һава торышының сизелерлек начараюы көтелә. 

16 ноябрь төнлә һәм иртән:

- явым-төшем, урыны белән көчле, яңгыр рәвешендә, юеш кар һәм карга әйләнә, күрү мөмкинлеге 1000 метрга кадәр начарлана һәм аннан да азрак; 

- урыны белән бозлавык һәм ябышучан җепшек кар;

- секундына 16-21 метр тизлектә көчле җил;

- һава температурасы 0..-5° ка кадәр түбәнәя;

- юлларда бозлавык барлыкка килә, урыны белән көчле, кар боткасы.

16 ноябрь көнне көндез сизелерлек явым-төшем булмаячак, һаваның максималь температурасы -2 ..+2°.булачак  Юлларда урыны белән бозлавык сакланачак.

Россия гадәттән тыш хәлләр министрлыгының Татарстан Республикасы буенча баш идарәсе киңәш итә:

Җил көчәйгәндә:

1. Биналардан чыгуны чикләргә, биналарда калырга киңәш итәбез. Балаларны караучысыз калдырмау мөһим.  

2. Әгәр көчле җил вакытында Сез урамда калсагыз,җир асты кичүе яки подъездларда  яшеренергә киңәш итәбез.  Йорт диварлары янында көчле җилдән качып ятарга кирәкми, чөнки түбәдән шифер һәм башка түбә ябу материаллары ишелергә мөмкин. Бу шулай ук җәмәгать транспорты тукталышларына, төзелеп бетмәгән биналарга да кагыла.

3. Урамда реклама щитларыннан, элмә такталардан, юл билгеләреннән, электр тапшыру линияләреннән ераграк торырга кирәк.

4. Зур агачлар янында булырга, шулай ук алар янында автотранспорт куярга ярамый-җил белән өзелгән ботаклар да зур куркыныч тудыра ала.

5. Көчле җил вакытында электр тапшыру линиясе астында басып тору һәм өзелгән электр үткәргечләргә  якын килү куркыныч тудыра.

6. Тәрәзә ватыклары, җил белән кубарылган түбә ватыклары да куркыныч тудырырга мөмкин. Төзелеп килүче яки ремонт бара торган  биналар янында мондый куркыныч тагын да арта.

7. Барлык тәрәзәләрне  тыгыз  итеп ябарга кирәк

8. Торак яки эш урынында тәрәзәләрдән мөмкин кадәр ераграк торырга кирәк. игътибарлы һәм сак булыгыз!

Бозлавык вакытында:

Аз тая торган аяк киеме әзерләгез. Сак кына хәрәкәт итегез, ашыкмыйча гына, өслекнең тигезсезлеген һәм тайгак булуын исәпкә алып, бөтен аяк табанына басыгыз. Өлкән кешеләргә резин башлы яки очлы махсус таяк кулланырга киңәш ителә. Әгәр Сез таеп китсәгез, иелә төшегез һәм биектән егылуны киметү өчен утырыгыз.

Машина йөртүчеләргә машиналар арасындагы дистанцияне арттырырга, кинәт туктаудан тоткарланып калырга кирәк. Тукталыш кирәк булганда тизлекне салмак кына киметергә кирәк. Туктаган вакытта тормозга берничә тапкыр  басарга, шуның белән  сез арттан килуче машина йөртүчеләргә сигнал бирәсез. Автомобильнең техник торышына, бигрәк тә тормоз системасына, шиннарның торышына игътибар итәргә кирәк. Бөтен оптика эш хәлендә булырга тиеш. 

Ерак араларга барудан баш тартыгыз.

Җәяүлеләргә урамны җәяүлеләр өчен билгеләнгән урында гына чыгарга киңәш ителә. Хәрәкәт итүче транспорт алдында трассаны узмаска кирәк, чөнки юл катламы тайгак булу сәбәпле, автомобильнең туктау юлы шактый арта, тиз генә туктый алмаячак. Бары тик транспорт агымын карап кына хәрәкәт итәргә. Кием-салымга яктылыкны кире кайтаручы элементларны беркетергә кирәк. Игътибарлы һәм сак булыгыз!

Җәяүлеләргә киңәш ителә:

1. Урамнар һәм юлларны чыкканда чиктән тыш игътибарлы булырга;

2. Урамны җәяүлеләр кичүе билгеләнгән урында гына аркылы чыгарга. Шуны истә тотарга: күз күреме җитәрлек булмаганлыктан һәм юлларның тайгак булуы аркасында машина йөртүчегә транспорт чарасын туктату өчен күбрәк вакыт кирәк;

3. Юл өлешен чыгу өчен, мөмкин булганча, җир өсте яисә җир асты җәяүлеләр кичүләрен генә файдаланырга;

4. Хәрәкәт итүче транспорт каршында трассаны йөгереп чыкмаска;

5. Транспорт агымына каршы гына хәрәкәт итәргә;

6. Ерактан күренеп торырлык жилетны кулланырга яисә яктылыкны кире кайтара торган элементларны киемгә беркетергә.

Теләсә нинди бәла булган очракта да сез һәрвакыт ашыгыч хезмәтләрнең бердәм чакыру номерына – «112»мөрәҗәгать итә аласыз. Шалтыратулар тәүлек әйләнәсе шәһәр һәм кәрәзле телефоннардан бушлай кабул ителә.