Татарстан Республикасында 100 гә якын педагог вакытыннан алда пенсиягә чыкты
Россия Социаль фондының Татарстан Республикасы буенча бүлеге тарафыннан 100 гә якын мәгариф хезмәткәренә картлык буенча иминият пенсияләре вакытыннан алда билгеләнде. Бу хокук мәгариф учреждениеләрендә 25 ел дәвамында махсус стаж эшләгәндә һәм кирәкле күләмдә пенсия коэффициентлары булганда (2025 елдан – 30) барлыкка килә.
Иминият пенсиясен билгеләү срогы таләп ителгән тиешле елларга ирешү датасына турыдан-туры бәйле. Педагогларга шулай ук Россиядә пенсия яшен этаплап арттыру турындагы закон да кагыла. Мисал өчен, 2024 елда пенсия алу хокукын 2021 елда тиешле стаж алган педагоглар гамәлгә ашырган.
2023 елдан башлап һәм алга таба иминият пенсиясе стаж эшләнгәннән соң 5 ел узгач вакытыннан алда билгеләнә. Пенсияне вакытында билгеләүне тәэмин итү өчен документларга алдан бәя бирү һәм аерым шәхси счеттагы мәгълүматларның тулылыгына инану өчен социаль Фонд клиент хезмәтләренә алдан мөрәҗәгать итәргә киңәш ителә.
Россия Социаль фондының Татарстан Республикасы буенча бүлеге идарәчесе Эдуард Вафин барлык укытучыларны киләчәк һөнәри бәйрәмнәре белән котлады:
"Укытучылар көнендә шәхсән үзем һәм Россия Социаль фондының Татарстан Республикасы буенча бүлеге хезмәткәрләре исеменнән Сезгә зур рәхмәтемне белдерәсем килә. Сезгә чын күңелдән сәламәтлек, җан тынычлыгы һәм җылылык телибез. Һәр көн сезгә мөһим эшегез канәгатьлек китерсен, ә укучыларның бәхетле күзләре иң яхшы бүләк булсын"»
Социаль ярдәм чаралары, Россия Социаль фондының Татарстан Республикасы буенча бүлегенең түләүләре һәм хезмәт күрсәтүләре турында тулы һәм дөрес мәгълүматны Россия Социаль фонды сайтында һәм социаль челтәрләрдәге рәсми аккаунтларда: ВКонтактеда, Одноклассники һәм Телеграмда табарга мөмкин.
Өстәмә мәгълүмат яисә консультация алу өчен гражданнар Бердәм контакт-үзәк операторларына мөрәҗәгать итә алалар— 8 800 100 0001 (төбәк линиясе тәүлек буе эшли – 24/7, шалтырату бушлай).