Әлфия Когогина татарстанлыга әнисе өчен документлар рәсмиләштерүдә ярдәм итте
1-10 декабрьдә Татарстанда «Бердәм Россия»партиясенең 24 еллыгына багышланган гражданнарны кабул итү декадасы уза.
РФ Дәүләт Думасы депутаты, «Эшмәкәрлек» федераль партпроекты координаторы Әлфия Когогина: «Гражданнарны кабул итү – депутат эшенең аерылгысыз өлеше, шуңа күрә аларны даими рәвештә алып барам. Мәсәлән, миңа татарстанлы үз гаиләсе өчен бик катлаулы сорау белән мөрәҗәгать итте. Казахстаннан туган Татарстанына кайтырга теләгән әнисе өчен документлар рәсмиләштергәндә, аларда кайбер кыенлыклар туды. Беренче чиратта, бу яшәүгә рөхсәт алу, димәк, медицина ярдәме алу, поликлиникада күзәтү, хастаханә стационарында булу белән бәйле. Хәзер Вәдига апага инде 87 яшь, ул дәвалануга һәм кайгыртуга мохтаҗ. Татарстан Республикасы Эчке эшләр Министрлыгының миграция мәсьәләләре идарәсе белән бергә катлаулы мәсьәләне хәл итүгә алындылар, һәм менә нәтиҗә - яшәүгә рөхсәт әзер, димәк, яраткан улы документларны эшләп бетерә һәм барлык көнкүреш мәсьәләләрен хәл итә алачак», – дип сөйләде Когогина.
"Әлфия Гомәр улына һәм минем проблеманы хәл итүдә-әниемә яшәргә рөхсәт алуда ярдәм иткән һәркемгә зур рәхмәтемне белдерәсем килә. Сезнең ярдәмегез булмаса, мин барысын да эшли алмас идем. Бик зур рәхмәт!"- дип язган Рәис төбәк иҗтимагый кабул итү бүлмәсенең электрон почтасына.
"Гомумән алганда, бу ел башыннан бирле мин Чаллы,Әгерҗе, Актаныш, Менделеевск, Минзәлә һәм Тукай районнарын үз эченә алган үз округымда, шулай ук партиянең Казандагы төбәк иҗтимагый кабул итү бүлмәсендә гражданнарны 37 тапкыр кабул иттем. Миңа язма һәм телдән мөрәҗәгатьләр белән 180нән артык татарстанлы мөрәҗәгать итте. Килгән барлык мәсьәләләр дә җентекләп каралды, кирәк булган очракта депутат гарыәнамәләре тиешле структураларга җибәрелде", - дип хәбәр итте парламентарий.