2025 елның 25 декабренә ашыгыч кисәтү
Хөрмәтле гражданнар! "Татарстан Республикасы гидрометеорология һәм әйләнә-тирә мохитне мониторинглау идарәсе" федераль дәүләт бюджет учреждениесеннән 2025 елның 24 декабре 18.00 сәгатьтән 25 декабре 06.00 сәгатькә кадәр метеорологик күренешләрнең киеренкелеге турында консультация-кисәтү килде.
24 декабрь кичендә һәм 25 декабрь төнендә Татарстан Республикасы территориясендә һава температурасы -25 -30˚ булыр дип көтелә.
Россия гадәттән тыш хәлләр министрлыгының Татарстан Республикасы буенча баш идарәсе киңәш итә:
ӘГӘР СЕЗ УРАМДА БУЛСАГЫЗ:
Туңмас өчен бер урында тормагыз, хәрәкәт итегез. Баш киеме киегез. Җилдән ышыкланыгыз.
Җылыту өчен якындагы бүлмәләрдән: кибетләрдән, торак йортларның подъездларыннан файдаланыгыз. Спиртлы эчемлекләр кулланмагыз: кан тамырлары киңәйгәндә җылылык бирү арта!
ӘГӘР СЕЗ ЮЛДА БУЛСАГЫЗ
Юлга җыенганда, һичшиксез, туганнарыгызга һәм якыннарыгызга хәрәкәт маршруты һәм билгеләнгән урынга якынча килү вакыты турында хәбәр итегез. Үзегез белән элемтә чараларын, зарядка җайланмаларын һәм аларга аккумуляторларны, азык-төлек запасын, шырпы, фонарь һәм җылы запас кием комплектын алырга онытмагыз. Юлда кайнар чәй, кофе белән термос комачауламас.
Планлаштырылмаган яки авария хәлендәге тукталышта, өзек-өзек кычкыртып сигнал бирегез, капотны күтәрегез яки ачык төстәге тукыманы антеннага элеп куегыз, автомобильдә ярдәм көтегез. Автомобильне җил юнәлешенә каршы куегыз, вентиляцияне тәэмин итү һәм сөрем газы белән агулануны булдырмау өчен пыяланы бераз ачып, моторны кабызып калдырырга кирәк.
ӨШЕГӘНДӘ БЕРЕНЧЕ ЯРДӘМ
Җылытыла торган бүлмәдә тәннең өшегән өлешен, коры йомшак тукыма белән ышкып, җылытыгыз, аннары аны җылы суга тыгып һәм акрынлап су температурасын 40-45 градуска кадәр җиткерегез. Әгәр авырту бетсә һәм сизгерлек торгызылса, кулыгызны (аягыгызны) киптерегез, оекбашларыгызны (перчаткалар) киегез һәм, мөмкин булса, табибка мөрәҗәгать итегез.
Теләсә нинди бәла булган очракта да сез һәрвакыт ашыгыч хезмәтләрнең бердәм чакыру номерына – «112»мөрәҗәгать итә аласыз. Шалтыратулар тәүлек әйләнәсе һәм шәһәр һәм кәрәзле телефоннардан бушлай кабул ителә.