Социаль блок органнарының йомгаклау киңәшмәсе
Менделеевск районы администрациясендә социаль блок органнарының йомгаклау киңәшмәсе узды
Социаль иминиятләштерү фонды бүлекчәсе эшчәнлеге нәтиҗәләре турында җитәкче Раушан Иштанова сөйләде. Хәзерге вакытта социаль фонд гражданнарга 210 дәүләт хезмәте күрсәтә. Клиентларның төп категориясе-пенсионерлар-8337 кеше. Киләсе категория-балалы гаиләләр. 2025 елда йөклелек һәм бала табу буенча пособиеләрне 139 хатын-кыз алган, бер тапкыр бирелә торган пособиене 113 ата-ана алган. Шунысын да билгеләп үтәргә кирәк, ана капиталы программасы 2030 елга кадәр озайтылды. Бүгенге көндә түләүләр күләме: беренче балага 728 мең сум, икенче балага 963 мең.сум.
Социаль яклау бүлеге эшчәнлеге нәтиҗәләре белән җитәкчесе Наталья Дьячкова таныштырды. Бүлек ведомство буйсынуындагы өч учреждение эшчәнлеген җитәкли: "Өмет Яры" халыкка социаль хезмәт күрсәтү комплекслы үзәге, "Кама таңнары" балалар һәм яшүсмерләр өчен социаль приют, республика матди ярдәм үзәгенең 28 нче филиалы. «Гаилә» илкүләм проект кысаларында мөһим бурыч-2030 елга карата 7% һәм 2030 елга карата 5% ярлылык дәрәҗәсенә ирешү. Ярлылыкка каршы көрәш коралы булып социаль контракт тора:
- эшкә урнашуга (граждан рәсми эшкә урнашкан көннән алып айлык түләү 17547 сум күләмендә)
- үзмәшгульлеккә (2026 елда сумма 350 мең сум тәшкил итәчәк)
- шәхси ярдәмче хуҗалык алып баруга (2026 елда сумма 200 мең сум тәшкил итәчәк)
- башка чараларга (авыр тормыш хәлендә калган гражданнарга 17547 сум күләмендә түләү).
Балалар һәм яшүсмерләр өчен «Кама таңнары» социаль приюты эшчәнлеге нәтиҗәләре турында директор Павел Миронов сөйләде. 2025 елда 95 бала социаль тернәкләндерү узган. Узган ел приют социаль һәм мәдәни инициативалар конкурсында катнашты. Аларның «Курчак фургоны "Музей-студиясе" проекты «Лукойл» ГАҖ грантында җиңүче булды һәм 310 мең сум күләмендә ярдәм алды!