Әлфия Когогина чираттагы гуманитар йөкне махсус хәрби операция зонасына илтте
Ватанны саклаучылар көне алдыннан РФ Дәүләт Думасы депутаты, «Бердәм Россия» партиясенең «Эшмәкәрлек» проектының федераль координаторы Әлфия Когогина махсус хәрби операция сугышчыларына чираттагы гуманитар йөкне тапшырды. Чираттагы җибәрү истәлекле датага – беренче КАМАЗ автомобиле чыгарылуга 50 ел тулуга багышланган.
"Гадәттәгечә безнең шефлыкка алынган полклар ярдәмне алды, аларда меңләгән татарстанлы Фидакарь хезмәт үтә. Һәр гуманитар йөк турыдан-туры полк командирлары үтенече, егетләрнең үзләре һәм хәрби частьларның ихтыяҗлары буенча әзерләнгән", - дип билгеләде Когогина.
Гуманитар йөк составына 8 йөк һәм җиңел автомобиль, радиоэлектрон системалар, квадрокоптерлар, автозапчастьлар һәм тәгәрмәчләр, металл һәм төзелеш материаллары, маскировка челтәрләре, йокы капчыклары, окоп шәмнәре, шулай ук посылкалар һәм хатлар, туганнарыннан һәм якыннарыннан Ватанны саклаучылар көненә бүләкләр кергән. Йөкнең гомуми авырлыгы 105 тоннадан артык, 82 миллион сумлык
"Туганнарыбыз, геройларыбыз барлык якташларыбызга, бигрәк тә КамАЗ, Чаллы, Менделеевск, Минзәлә Әгерҗе, Актаныш, Тукайлыларга зур сәлам әйтәләр! Татарстан Республикасы Рәисе Рөстәм Миңнехановка, «Ростех» башлыгы Сергей Чемезовка һәм, әлбәттә, «КАМАЗ» гавами хокукый җәмгыятенә даими кайгыртучанлык һәм игътибар өчен аерым рәхмәт!",- дип шәрехләде Когогина.
Махсус операция башланганнан бирле Әлфия Когогина «Бердәм Россия» партиясе, Халык фронты, Татарстан эшмәкәрләре белән берлектә даими нигездә махсус хәрби операция зонасына һәм чик буе төбәкләренә гуманитар ярдәм оештыра һәм шәхсән үзе тапшыра.