Футзал буенча "ТР футбол Федерациясе" Кубогында 2 урын

2026 елның 13 марты, җомга

️Менделеевск футболчылары футзал буенча «ТР футбол Федерациясе» Кубогында 2 урынны алдылар.

9-10 март көннәрендә Актанышта 2011-2012 елгы яшүсмерләр арасында футзал буенча «Татарстан Республикасы футбол федерациясе» Кубогы узды.

8 команда Кубок өчен көрәште һәм алар арасында тренер Сергей Романюк җитәкчелегендәге «Аммоний» һәм «Аммоний-2» командалары чыгыш ясады 

Уеннар баштан ук югары темп бирде, ә көрәш чын-чынлап киеренке булды!  

Финал безгә көмеш медаль китерде: «Аммоний» командасы  хуҗаларга — «Иман» командасына 2: 3 исәбе белән генә оттырып икенче урынны алды!

Егетләребез белән горурланабыз! Команданы әзерләгән тренерга зур рәхмәт! 🌟

Алга, яңа җиңүләргә!