Гражданнарны кабул итү
Сишәмбе көнне район Башлыгы Роберт Искәндәров рәислегендә халыкны кабул итү булды. Халык дулкынландыргыч сораулар бирә һәм аңлатмалар ала алды.
Карманково авылы халкы тал тамырларын йолкып алу мәсьәләсе буенча мөрәҗәгать итте. Эш күләмен билгеләгәннән һәм җир өсте кипшергәннән соң тиешле эшләр башкарылачак, дип хәл ителде.
Янгыннан зыян күргән Камай авылында яшәүче хатын-кыз матди ярдәм сорап мөрәҗәгать иткән. Гаризаны рәсмиләштергәннән соң аңа муниципаль ярдәм күрсәтеләчәк. Шулай ук социаль яклау органнарыннан һәм Дәүләт торак фондыннан өстәмә ярдәм чаралары карала.
"Энергетик " гараж җәмгыяте вәкиле гаражда электр энергиясен сүндерү мәсьәләсен күтәрде. Аңа шәхси тоташу ноктасын булдыру өчен район электр челтәренә нинди документлар бирергә кирәклеген аңлаттылар.
Шунысын да билгеләп үтәргә кирәк, мөрәҗәгатьләр мөмкин кадәр оператив хәл итү өчен район Башлыгының шәхси контроленә алынды.