Май аенда Россия Социаль фондының Татарстан Республикасы буенча бүлекчәсе керемнәре 10% тан артып киткән күпбалалыларга түләүләрне яңадан караячак
Хөкүмәтнең керемнәре аз гына арткан күпбалалы гаиләләр өчен пособиегә хокукны саклап кала торган яңа проектына туры китереп, Россия Социаль фондының Татарстан Республикасы буенча бүлекчәсе өч һәм аннан да күбрәк баласы булган барлык ата-аналарга түләүне автомат рәвештә рәсмиләштерәчәк. Алар быел түләүне озайтуны сорап мөрәҗәгать иткәннәр, әмма гаилә керемнәре аз гына артып китү сәбәпле кире кагылганнар.
Законга кертелгән төзәтмәләр нигезендә, әгәр гаиләнең җан башына уртача кереме зур булмаса, ягъни пособие алу чорында 10% ка кадәр арткан (яшәү минимумына карата), киләсе мөрәҗәгатьтә ул тагын бер елга түләү ала алачак. Бу кагыйдә пособие алу чорында бер тапкыр кулланыла, ягъни күпбалалы гаилә, Керем артуга карамастан, пособиене озайту мөмкинлегеннән бер тапкыр файдаланган икән, чираттагы тапкыр озайту вакыты җиткәч, бу кагыйдә инде гамәлдә түгел.
Түләү балалар өчен төбәкнең яшәү минимумының 50% күләмендә билгеләнәчәк. Татарстан Республикасында яшәү минимумы 16 098 сум, ә 50% - 7 807,50 сум. Чыгарылган карар турында алучыларга «Дәүләт хезмәтләре " порталы аша хәбәр итәләр.
"Закон үз көченә 22 майда керәчәк, әмма шул ук вакытта пособие 2026 елның маеннан түгел, ә ел башында гариза биргән айдан билгеләнәчәк. Мәсәлән, әгәр керемнең артуына бәйле рәвештә баш тарту турындагы карар (ТРда бер кешегә яшәү минимумының 10% тан артмавы) гыйнварда килгән гариза буенча кабул ителгән булса, пособие 2026 елның гыйнварыннан билгеләнәчәк», - дип билгеләде Россия Социаль фондының Татарстан Республикасы буенча бүлекчәсе идарәчесе Эдуард Вафин.
Социаль ярдәм чаралары, Россия Социаль фондының Татарстан Республикасы буенча бүлекчәсенең түләүләре һәм хезмәт күрсәтүләре турында тулы һәм дөрес мәгълүматны Россия Социаль фонды сайтында һәм MAX, Вконтакте, Одноклассники һәм Телеграм социаль челтәрләрендәге рәсми аккаунтларда табарга мөмкин.
Өстәмә мәгълүмат яисә консультация алу өчен гражданнар Бердәм контакт-үзәк операторларына мөрәҗәгать итә алалар— 8 800 100 0001 (төбәк линиясе тәүлек буе эшли – 24/7, шалтырату бушлай).