"Ак яулыклы әбием»

Песәйдэ  8 март көнне  «Ак яулыклы әбием» дигән әдәби-музыкаль кичә булып үтте. Китапханәче Рузалия Яраханова, мәдәният хезмәткәрләре Нурания Гизатуллина, Гөлнар Ситдикова һәм мәктәп балалары  Марфуга әби Гарипованы өйенә барып 8 март  хатын-кызлар көне белән  котладылар.   Рузалия Яраханова аңа саулык-сәламәтлек,  балаларының кайгы-хәсрәтләрен күрми генә яшәргә диеп теләкләр теләде. Балалар шигырьләр сөйләделәр. Мәдәният хезмәткәрләре Н.Гизатуллина һәм Г.Ситдикова музыкаль бүләк иттеләр.

                Бәйрәм азагында Марфуга әбинең кызы Мансура апа килгән кунакларны тәм-томнар белән сыйлады. Марфуга әби рәхмәтләр әйтеп, «мине яшьлегемә кайтартыгыз», диеп безне озатып калды.