Камай мәдәният йорты хәбәр итә

11 июнь көнне Камай мәдәният йортында Камай Һәм Актаҗык авылы үзешчәннәренең Рәсәй көненә багышланган ял концерты булды. Концертны "Камай сандугачлары" ансамбле ачып җибәрде. "Памаш" ансамбле үзенең матур җырлары һәм биюләре белән тамашачыны сокландырды.Солистлар Лида Никитина, Римма Юзикеева,Сария Зиннурова, Альбина Андреева, Эльвина Нуриева, Альзана Аглиева үзләренең матур җырларын бүләк иттеләр.Концертта чегән, шәрык, татар, марый, кадриль, флешмоб биюләре башкарылды. Концерт программасын Ясминур Гиззатуллина алып барды. Һәрбер катнашучыга бик зур рәхмәтләр әйтеп концерт тәмамаланды.