Песәй авылы мэдэният йорты хэбэр итэ

Бакчаның хәзер иң матур чагы. Җиләк - җимешләр пешеп, безне куандырып торалар. Алма, груша, шомырт, крыжовниклар... : «мине, мине өзеп ал!», дип шаярта күк. Шул уңайдан, 26 нчы август көнне Песәй мәдәният хезмәткәрләре Кабиров Рафаэль һәм Гизатуллина Нурания “Җиләк-җимеш бәйрәме“ үткәрделәр. Алар күп төрле бәйгеләр оештырдылар. Шулай ук бәйрәмнең кунаклары Гайфутдинова Гөлнара һәм Кабирова Гөлшат витаминнарның һәм минераль матдәләрнең төп чыганаклары булган – җиләк-җимешләрнең күптөрлелеге белән таныштырдылар, аларның кеше организмына файдалы икәнен сөйләделәр. Исеменнән үк күренгәнчә җиләк-җимеш уңышына багышлап үткәрелүче бу бәйрәм җимешләрдән әзерләнгән сый-нигъмәткә, күргәзмәләргә бай иде. Бәйрәм азагында исә кунаклар алар белән сыйландылар.                 

Ә бит чыннан да, җиләк-җимешләр безнең организм өчен бик тә кирәкле һәм файдалы ризыклар. Шуңа да, аларны күбрәк ашарга тырышыгыз, аеруча хәзер, чөнки тиздән көз җитә. Сәламәтлегебезне кайгыртыйк, витаминнарга бай ризыкларны ашарга тырышыйк.