ТАССР ның 100 еллыгы уңаеннан, Песәй мәдәният йорты «Татарстан- туган йортыбыз» дип исемләнгән шигырь марафоны уздырды. Шигырь сөючеләр арасында Песәй авылыннан кала Яр Чаллы, Казан, Түбән Кама, Менделеевск, Балык Бистәсеннән дә катнашучылар бар иде. Татарстанга багышланган шигырьләрне зур горурлык белән башкарулары бигрәк тә сөенечле. Зур рәхмәт сезгә, шигырь сөюче дусларыбыз.