Иртәнге киңәшмә онлайн режимында
Бүген район башлыгы Валерий Чершинцев учреждение һәм оешма җитәкчеләре, авыл җирлекләре башлыклары белән бүгенге көндә актуаль мәсьәләләр турында сөйләште.
Киңәшмәдә район башлыгы Валерий Чершинцев “Благоустройство” муниципаль унитар предприятиесе директоры Рафаэль Сабитовка туган көне белән котлаулар юллады.
Аннары киңәшмә барышында Менделеевск районында булачак ягу сезонына әзерлек, йомгаклау этабы һәм БДИ нәтиҗәләре буенча мәсьәләләр каралды. Шулай ук Менделеевскида Чаллыдан килгән С.Гассар исемендәге Мәдәният сараенда «Татарстан АССР - Татарстан Республикасы: вакыт, вакыйгалар, кешеләр» күчмә күргәзмәсе ачылды.
Моннан тыш, "Дружба" паркында атынгычларны ремонтлау, шәһәрдә үләннәрне йолу, җылыту сезонына әзерлек, җәйге лагерьлар эше һәм "Халык контроле" ндә яшәүчеләрнең мөрәҗәгатьләре буенча фикер алыштылар.
Барлык каралган мәсьәләләр контрольгә алынды.