Эшлекле сишәмбе
Бүген хакимиятнең актлар залында район башлыгы Валерий Чершинцев җитәкчелегендә Менделеевск муниципаль районы предприятиеләре, учреждениеләре, оешмалары җитәкчеләре белән атналык киңәшмә узды.
Киңәшмә барышында шәһәр һәм райондагы оператив хәлләр турында полиция начальнигы, Россия Эчке эшләр министрлыгының Менделеевск районы буенча бүлеге начальнигы урынбасары, полиция подполковнигы Рәфкать Шәмгунов сөйләде. Менделеевск районында узган атнада барлыгы 150 хәбәр килгән,аларның 42се административ характердагы һәм 18е ЮХИДИ линиясе буенча.
Менделеевск муниципаль районы Советы һәм Башкарма комитетының узган атнадагы эш нәтиҗәләре һәм киләсе периодка планлаштырылган чаралар турында МР Советы Аппараты җитәкчесе Роберт Искәндәров сөйләде. Әйтик, узган атнада төрле төрдәге 10га якын чара узды. Агымдагы атнада гражданнарны чираттагы кабул итү булачак, ә 7 августта Төзүчеләр көне булачак.
Алга таба Татарстан Республикасы Менделеевск муниципаль районының «балалар сәнгать мәктәбе» муниципаль бюджет өстәмә белем бирү учреждениясенең 2019-2020 еллардагы эш нәтиҗәләре турында Балалар сәнгать мәктәбе директоры Алия Абрамова хәбәр итте. Бүген балалар сәнгать мәктәбе үзенең 53 еллыгын билгеләп үтә. Бүгенге көндә учреждениедә 4-17 яшьлек 557 бала белем ала. Узган ел мәктәптән 21 кеше чыгарылган, шуларның 10сы төрле урта һәм югары уку йортларына укырга кергән. Балалар сәнгать мәктәбендә барлыгы 29 укытучы эшли, алар 11 иҗат коллективына кураторлык итә. Шулай ук учреждение базасында мөмкинлекләре чикләнгән балалар өчен дәресләр оештырылды.
Россия Федераль салым хезмәтенең Татарстан Республикасы буенча 9 нчы номерлы районара салым инспекциясе башлыгы урынбасары Альберт Минәхмәтов Россия Федераль салым хезмәтенең электрон сервисы турында сөйләде.