Дүртенче чакырылыш Менделеевск шәһәр Советының беренче утырышы
Бүген хакимияттә дүртенче чакырылыш Менделеевск шәһәр Советының беренче утырышы булды.
Татарстан Республикасы Менделеевск муниципаль районы «Менделеевск шәһәре» муниципаль берәмлеге Уставының 32 ст.2 п. нигезендә, сайлаулардан соң беренче шәһәр Советы утырышын, яңа башлык сайланганчы, җирлек Советы депутаты - Кривилева Лариса Рәфкатовна ачты һәм алып барды.
Менделеевск шәһәр советында барлыгы 15 депутат тора.
Утырыш эшендә Татарстан Республикасы Дәүләт Советының алтынчы чакырылыш депутаты, Татарстан Республикасы Дәүләт Советының Мәгариф, мәдәният, фән һәм милли мәсьәләләр комитеты рәисе Зарипов Айрат Ринат улы катнашты.
Утырышка шулай ук суд рәисе, район прокуроры, Россия Эчке эшләр министрлыгының Менделеевск районы буенча бүлеге башлыгы, Менделеевск муниципаль районы Советы аппараты һәм Башкарма комитеты җитәкчеләре һәм белгечләре, предприятие, учреждение, оешма, ТИҮ җитәкчеләре, иҗтимагый оешмалар, массакүләм мәгълүмат чаралары вәкилләре чакырылган иде.
Утырышта көн тәртибендәге 5 мәсьәлә каралды.
«Менделеевск шәһәр Советы депутатларын муниципаль сайлаулар нәтиҗәләре турында» гы беренче мәсьәлә буенча районның территориаль сайлау комиссиясе рәисе Миронов Павел Степанович чыгыш ясады.
Аннары депутатларга вакытлыча таныклыклар тапшырылды.
Көн тәртибендәге икенче мәсьәлә «Менделеевск шәһәре башлыгын, Татарстан Республикасы Менделеевск муниципаль районының Менделеевск шәһәр советы рәисен сайлау турында»иде.
Чыгыш ясау өчен сүз алтынчы чакырылыш Татарстан Республикасы Дәүләт Советы депутаты Зарипов Айрат Ринат улына һәм 9 нчы номерлы бермандатлы сайлау округы депутаты Сираҗетдинов Нәфис Рөстәм улына бирелде.
Аннары 15 депутатның 12се бертавыштан Чершинцев Валерий Сергеевичны Менделеевск шәһәре башлыгы итеп сайлау өчен тавыш бирде.
Менделеевск шәһәре Уставының 42 ст. 3 п. нигезендә муниципаль берәмлек башлыгы сайланганнан соң ант бирде:
«Җирлек башлыгы үзенә йөкләнгән югары вазыйфаларны тормышка ашырганда, Россия Федерациясе Конституциясен һәм законнарын, Татарстан Республикасы Конституциясен һәм законнарын, җирлек уставын үтәргә, җирлек халкының иминлеген тәэмин итү, кеше һәм граждан хокукларын һәм ирекләрен яклау өчен бөтен көчен һәм белемнәрен куярга ант итәм".
Көн тәртибендәге өченче мәсьәлә «Менделеевск шәһәре башлыгы урынбасарын, Татарстан Республикасы Менделеевск муниципаль районы Менделеевск шәһәр Советы Рәисе урынбасарын сайлау турында»иде.
Бердәм тавыш белән Менделеевск шәһәре башлыгы урынбасары, шәһәр Советы Рәисе урынбасары вазыйфасына Кривилева Лариса Рәфкать кызы сайланды.
Дүртенче мәсьәлә - «Менделеевск шәһәре «муниципаль берәмлеге вәкилен Менделеевск муниципаль районы Советына сайлау турында» гы мәсьәләне карау барышында 3 нче Менделеевск бермандатлы сайлау округы депутаты Зарипов Марат Мисхәт улы Менделеевск муниципаль районы Советына вәкил итеп сайланды.
«Менделеевск шәһәр Советының даими комиссияләре төзү турында» гы көн тәртибендәге бишенче мәсьәлә буенча сүз түбәндәгеләр бирелде: Исаков Алмаз Фәрит улына – 14 нче Менделеевск бермандатлы сайлау округы депутаты.