Эшлекле сишәмбе
Бүген, 29 сентябрь көнне, Менделеевск муниципаль районы башлыгының предприятие, учреждение, оешма җитәкчеләре белән атналык киңәшмәсе булып узды.
Чыгышлар башланыр алдыннан Татарстан Республикасы Мәгариф һәм фән министрлыгының Рәхмәт хаты 2020 елда республика авыл хуҗалыгы продукциясе һәм халык-сәнгать кәсепчелеге эшләнмәләре ярминкәсендә актив катнашканы өчен, ММР мәгариф идарәсе башлыгы Илбар Таһировка тапшырылды.
Балалар иҗат үзәге директоры Айгөл Моталибова «Бөек Ватан сугышында җиңүнең 75 еллыгына багышланган» Бөек Ватан сугышының гаилә фотохроникалары " республика конкурсында актив катнашканы өчен Татарстан Республикасы ветераннарының төбәк иҗтимагый оешмасы Республика Советының Рәхмәт хаты белән бүләкләнде.
Шулай ук «Созвездие–Йолдызлык» эстрада сәнгатенең ачык республика телевизион яшьләр фестиваленең «Хореография» (кече һәм өлкән төркем) номинациясендә III урын Дипломы белән Россия Федерациясенең «Шаян» халык иҗаты коллективы, җитәкчесе Нәкыйфуллина Нәкыйя Шамил кызы бүләкләнде.
Алга таба шәһәр һәм райондагы оператив хәлләр турында полиция начальнигы, Россия Эчке эшләр министрлыгының Менделеевск районы буенча бүлеге начальнигы урынбасары, полиция подполковнигы Рәфкать Шәмгунов хәбәр итте. Хисап чорында 87 хәбәр килгән,шуларның 8е җинаять.
Менделеевск муниципаль районы Советы һәм Башкарма комитетының узган атнадагы эш нәтиҗәләре һәм киләсе периодка планлаштырылган чаралар турында ММР Советы Аппараты җитәкчесе Роберт Искәндәров сөйләде.
Шулай ук Абалач авыл җирлеге башлыгы Илнар Исрафилов та 5 ел хезмәт эшчәнлеге турында хисап тотты. Җирлекнең төзеклеге, ФАП төзелеше һәм Абалачта күпер проектлау турында сөйләде. Ул киләсе елга планнар турында сөйләде.
Менделеевск муниципаль районының Балалар Думасы эшчәнлеге турында Балалар иҗат үзәге директоры Айгөл Моталибова сөйләде. Менделеев балалар Думасы республикада эшләп килүче балалар Думасының берсе, район башлыгы Валерий Чершинцев химаясе астында эшли. Узган ел эчендә барлыгы 5 проект гамәлгә ашырылган. Бүгенге көндә яңа состав формалаштыру бара.
«Менделеевские новости», «Менделеевск яңалыклары» район басмаларына 2021 елның беренче яртыеллыгына язылу кампаниясе барышы турында «Татмедиа» ААҖ филиалы – «Менделеевск» ММҮ директоры Джулия Искәндәрова сөйләде.
Менделеевск муниципаль районы территориясендә коронавирус йогышы таралу мониторингы турында "Роспотребнадзор" ның ТР буенча территориаль бүлеге баш белгече Ирина Вахонина чыгыш ясады.
Ирина Вахонина чит ил дәүләтләрендә булудан тыелырга чакырды. Кире Россиягә очканчы бортта анкета тутырыла, килгәч, 3 көн дәвамында коронавирус инфекциясенә тикшерү узарга һәм тикшеренүләр нәтиҗәләрен Дәүләт хезмәтләре порталына кертергә кирәк.
6 көн дәвамында да әзер булырга мөмкин булган нәтиҗәләрне алганчы, гражданнар үз-үзләрен изоляциядә булырга тиеш.
Шулай ук исегезгә төшерәбез, җәмәгать урыннарында битлекләр йөртү һәм социаль дистанцияне үтәү мәҗбүри булып кала.
Халыкны гриппка каршы диспансерлаштыру һәм вакцинацияләү турында «Менделеевск РҮХ " ДАССОның баш табибы Оксана Бахматова сөйләде.