«Безнең ишегалды» программасы кысаларында гражданнарның җыены
18 ноябрьдә район башлыгы Валерий Чершинцев Химиклар урамы,6,7,8,9 адресы буенча урнашкан йортларда яшәүчеләр белән очрашты.
Очрашуның максаты - "безнең ишегалды"проектын гамәлгә ашыру кысаларында ишегалды территориясе проекты схемасы буенча фикер алышу иде.
Гражданнар җыенында «Менделеевск муниципаль районының инвестицион һәм инфраструктура үсеше идарәсе» МАУ башлыгы Артур Захарян, "Химик" территориаль иҗтимагый үзидарәсе рәисе Әлфия Талыпова, «Нептун» идарәче компаниясе директоры Руслан Сәйфуллин, ММР Советы Аппараты җитәкчесе Роберт Искәндәров, Башкарма комитет җитәкчесенең шәһәр хуҗалыгы буенча урынбасары Сергей Метальников, проектлаучы, шулай ук йортта яшәүчеләр катнашты.
"Безнең ишегалды" программасын гамәлгә ашыру кысаларында 2021 елда түбәндәге эшләр башкару планлаштырыла: агачларны саклау белән юлларны киңәйтү, йортлар һәм парковка урыннары буйларында тротуарны төзекләндерү, яктырту баганалары урнаштыру, балалар һәм спорт мәйданчыгын оештыру, келәмнәрне чистарту өчен мәйданчыклар, Мафлар, чүп савытлары, эскәмияләр урнаштыру. Шулай ук идарәче компания вәкилләре сүзләренә караганда,киләсе елда Химиклар ур., 6,7,8, 9 адреслары буенча урнашкан йортларда керү төркемнәрен яңарту планлаштырыла.
Биредә яшәүчеләр программаны тормышка ашыру буенча район башлыгына һәм башка катнашучыларга үзләрен кызыксындырган сорауларны бирә алдылар. Очрашу нәтиҗәләре буенча йортларда яшәүчеләрнең схемасы кабул ителде һәм расланды.