Менделеевскида җәй балаларны яклау көнен бәйрәм итүдән башланды
Балаларны яклау көненә багышланган чаралар берьюлы 2 мәйданчыкта узды.
Балаларны яклау көненә багышланган күңелле һәм бәйрәм «Тын таулар» яр буенда узды.
Менделеевск районы Башлыгы Роберт Искәндәров район яшьләрен һәм аларның әти-әниләрен бәйрәм белән котлады, балаларга бәхетле балачак, нык сәламәтлек һәм онытылмас җәйге каникуллар теләде.
Чара кунаклары өчен төрле күңел ачу программасы оештырылды. Балалар уеннарда һәм конкурсларда катнаштылар, осталык дәресләрендә булдылар, концерт чыгышларын карадылар.
Зур курчаклар, сабын куыклары белән уеннар һәм бушлай туңдырма өләшү балаларда чын соклану уятты.
Аннары бәйрәм "Атмосфера" гөмбәзе янында дәвам итте.
Гөмбәз тирәсендә балачак, шатлык һәм иҗат атмосферасы хөкем сөрде. Биредә Халыкара балаларны яклау көненә багышланган бәйрәм чаралары узды.
Чарада район Башлыгы Роберт Искәндәров та булды. Ул бәйрәмдә катнашучылар белән аралашты, мәйданчыкта булды һәм балаларның һәм оештыручыларның иҗади активлыгына соклануын белдерде.
Яшь кунаклар һәм аларның ата-аналары өчен төрле тематик мәйданчыклар эшләде. Менделеевск мәдәният учреждениеләреннән отсалык дәресләре, өстәл уеннары һәм интерактив программалар үткәрелде.
Аеруча игътибарны «Игелек аренасы» фондының инклюзив зонасы җәлеп итте, анда һәр бала күңеленә хуш килгән шөгыль таба һәм үзен зур бәйрәмнең бер өлеше итеп күрә алды.
«Ладушки» балалар үзәге кызыклы уеннар һәм күңел ачулар әзерләде, ә «Юл хәрәкәте куркынычсызлыгы» ДБУ интерактив зонасында балалар күңелле вакыт уздырып кына калмадылар, ә юлда үз-үзеңне куркынычсыз тоту кагыйдәләре турында да күбрәк белделәр.