РФ Дәүләт Думасы депутаты Әлфия Когогина эш визиты белән Менделеевскида булды
Киңәшмәдә район башлыгы Валерий Чершинцев, район башлыгы урынбасары Ләйсән Галиева һәм Башкарма комитет җитәкчесе Рөстәм Абдуллин белән Менделеевскиның социаль-икътисади үсеше мәсьәләләре буенча киңәшмә үткәрделәр.
Игътибар юнәлтелгән төп мәсьәләләр: авыл җирлекләренең һәм шәһәрнең Генераль һәм техник планнарын проектлау, район җирләреннән файдалану һәм төзелеш кагыйдәләре, җәмәгать киңлекләрен үстерү.
Очрашуда "Менделеевск"ТОСЭР үсеше буенча фикер алыштылар. Әйтик, бүген 2 резидент районда үз эшчәнлеген алып бара инде. Агымдагы елның мартында "Концерн Карпов"ҖЧҖдә тонерлар җитештерүне башлап җибәрү планлаштырыла. 2020 елда ТОСЭР резиденты статусын 2 предприятие алды: "КамХимМаш" ҖЧҖ һәм "Новые удобрение"ҖЧҖ.
Быел 1 миллиард сумнан да ким булмаган инвестицияләр гамәлгә ашыру көтелә, — дип хәбәр итте Валерий Чершинцев.
Киңәшмәдә шулай ук сәламәтлек саклау, халыкка бушлай дарулар китерү, районда социаль объектлар төзү һәм үстерү, "Юность" кинотеатрын реконструкцияләү, яңа Кокшан авылында клубны төзекләндерү һәм капиталь ремонтлау, авыл территорияләрен үстерү, пассажирлар транспортын яңарту мәсьәләләре дә каралды.
Әлфия Когогина ассызыклап үткәнчә, районга үсештә көчле ярдәм күрсәтүче төрле программаларда һәм ГРАНТларда актив катнашу мөһим.