"Интернет" челтәрендә кылынган мыскыллау өчен административ җаваплылык кертелде (бүлеп бирелде)
«Административ хокук бозулар турында Россия Федерациясе кодексына үзгәрешләр кертү хакында» 2020 елның 30 декабрендәге 513-ФЗ номерлы Федераль закон белән мөстәкыйль җаваплылык төре буларак мәгълүмати-телекоммуникация челтәрләрен, «Интернет» челтәрен дә кертеп, гавами рәвештә яисә берничә затка карата, шул исәптән аерым билгеләнмәгән затларга карата, халык алдында мыскыллаган өчен административ җаваплылык билгеләнде.
Бу гамәлне кылу административ штраф салуга китерә: гражданнарга - биш меңнән ун мең сумга кадәр; вазыйфаи затларга - илле меңнән йөз мең сумга кадәр; юридик затларга - ике йөз меңнән җиде йөз мең сумга кадәр.
Шулай ук мәгълүмати-телекоммуникация челтәрләрендә, "Интернет"челтәрен дә кертеп, мыскыл итүгә юл куймау чараларын күрмәгән өчен административ җаваплылык билгеләнә. Бу очракта административ штраф күләме: вазыйфаи затлар өчен-утыз меңнән илле мең сумга кадәр; юридик затлар өчен-илле меңнән йөз мең сумга кадәр.
Бер үк вакытта дәүләт яки муниципаль вазыйфаны йә дәүләт граждан яки муниципаль хезмәт вазыйфасын биләүче зат тарафыннан үз вәкаләтләрен (вазыйфаи бурычларын) гамәлгә ашыруга бәйле кылган хурлау өчен административ җаваплылыкның югары булуы кертелә.
Күрсәтелгән категория затлар өчен илле меңнән йөз мең сумга кадәр штраф яки бер елга кадәр дисквалификация каралган. Мондый хокук бозу кабатланган очракта җәза йөз меңнән йөз мең сумга кадәр штраф яки ике елга кадәр дисквалификацияләнәчәк.