Әлфия Когогина: турагентларның бердәм реестры нәтиҗәле дәүләт контролен һәм кулланучыларны яклауны тәэмин итәчәк
Дәүләт Думасы турагентларны махсус реестрда берләштерүне күздә тоткан законны ахыргы, өченче укылышта кабул итте.
Дәүләт Думасы депутаты, Икътисадый сәясәт, сәнәгать, инновацион үсеш һәм эшкуарлык комитеты рәисе урынбасары Әлфия Когогина: «кабул ителгән инициатива туристларга имин һәм сыйфатлы ял итүне гарантияләүгә, туризм өлкәсендә хезмәт күрсәтүләр базарын ачык итүгә юнәлдерелгән. Бердәм реестр нәтиҗәле дәүләт контролен һәм кулланучыларны намуссыз арадашчылардан яклауны тәэмин итәчәк".
Туристлык продуктын алга этәрү һәм сату реестрдагы мәгълүматларны Ростуризмның рәсми сайтында урнаштырганнан соң гына мөмкин булачак.
Туроператор һәм турагент арасында төзелгән килешүдә субагентлар ярдәмендә туристик продуктны сату һәм алга этәрү мөмкинлеге каралган булса, реестрда шулай ук турагент субагентлары турында мәгълүмат чагылыш табачак.
Закон 2022 елның 1 гыйнварыннан үз көченә керә. Ярты ел дәвамында туроператорлар туроператорлар белән төзелгән килешүләр (юридик зат һәм шәхси эшмәкәр) нигезендә эш итүче турагентлар турында реестрга мәгълүмат кертергә тиеш булачак.