"Хуш киләсең, Нәүрүз!"

2021 елның 23 марты, сишәмбе

Песәй мәдәният йорты мәктәп, китапханә, "Чулпан" балалар бакчасы белән берлектә "Хуш киләсең, Нәүрүз!" дигән ял кичәсе уздырды. Бүгенге көндә дә әлеге бәйрәмнең кыйммәте югалмый. Гореф-гадәтләрне саклау, күңелле уеннарны искә төшерү, татар халкына гына хас сынамышларны барлау- барысы да яшь буынны зәвыклы тәрбияләү чарасы булып тора. Кичәдә Кыш бабай белән Нәүрүзбикәнең төрле яклап көч сынашуы, балаларның шау-гөр килеп күңел ачуы, Убырлы әзерләгән сынауларда катнашуы җырлы-биюле уеннар белән бергә үрелеп барды.
Мәдәният йорты хезмәткәрләре район күләмендә уздырылган бәйгеләрдә актив катнашучыларны дипломнар белән бүләкләде.
Татар халкының милли бәйрәмнәрен онытмыйк, киресенчә, яңа төсмерләр белән бизәп, балаларга тапшырыйк.