Шәһәр башкарма комитеты вәкилләре Бәзәкә авылы ветеранын туган көне белән котладылар

2021 елның 5 мае, чәршәмбе

Бәзәкә авылында яшәүче сугыш һәм хезмәт ветераны Зәйнәк Әһлиеваны Башкарма комитет җитәкчесенең социаль мәсьәләләр буенча урынбасары Екатерина Ямалеева, ветераннар советы рәисе Любовь Сорокина һәм авыл җирлеге башлыгы Илмир Кәшәфетдинов котладылар.

— Сезгә сәламәтлек, озын гомер, йортыгызга тынычлык һәм иминлек телибез. Яныгызда һәрвакыт сезнең турында кайгыртучы, ярдәм итүче балалар һәм оныклар булсын, - диде Е.Ямалеева.