Ләйсән Галиева һәм Әлфия Когогина Бәзәкәдән ветеран Зәйнәк Әһлиевны Җиңү көне белән котладылар
6 май көнне Район Башлыгы урынбасары Ләйсән Галеева һәм Россия Федерациясе Дәүләт Думасы депутаты Когогина Әлфия Бөек Ватан сугышы ветераны Зәйнәк Әһлиев янына бардылар.
Ветеран Бәзәкә авылында хатыны белән яши, ә 4 майда 94 нче туган көнен билгеләп үтте.
Ветеранны котларга шулай ук ветераннар советы рәисе Любовь Сорокина, Бәзәкә авыл җирлеге башлыгы Илмир Кәшәфетдинов, социаль яклау бүлеге начальнигы Фаина Козырева килделәр.
Кунаклар сугышка кадәрге тормыш, уку һәм тыныч көннәр, шулай ук сугыш елларындагы куркыныч көннәр турында сөйләде.
1944 елда егет ай ярым дәвам иткән хәрби җыеннарга алына, ноябрьдә армиягә китә. 1945 елның гыйнварында масштаблы кыр өйрәнүләре узды, алар белән Маршал Георгий Жуков командалык итте.
Зәйнәк Әһлиев ул вакытка аерым элемтә батальоны радиовзводы белән җитәкчелек иткән. Җиңү көнен Литвада каршылый.
Тыныч вакытта Әһлиев үзен укытучылыкка багышлый: җиде ел Турай мәктәбен җитәкли, ә Бәзәкә мәгариф учреждениесендә балаларны география һәм башлангыч хәрби әзерлеккә өйрәтә.
Ләйсән Галеева һәм Әлфия Когогина җылы кабул итүләре өчен рәхмәт белдерделәр, ветеранны котладылар, бүләкләр тапшырдылар, нык сәламәтлек, якыннары белән озын гомер теләделәр.