ЯҢАЛЫКЛАР

Бүген "С.Гассар исемендәге мәдәният сараеның конференц-залында "Урбаника" институтының проект төркеме һәм Менделеевск халкы катнашында шәһәрнең мастер-планын эшләүнең төп өлешен карау буенча стратегик сессия узды.

Россия Пенсия фонды хатын-кызларга пенсия рәсмиләштергәндә балаларны карау вакытын автомат рәвештә исәпкә ала. Гамәлдәге кагыйдәләр буенча, бу вакыт әнинең стажына кертелә һәм аның пенсия коэффициентларын арттыра. Шәхси счетта карау чорларын чагылдыру өчен мәгълүмат чыганагы булып, балалар туу турында гражданлык хәле актларын теркәү реестрындагы мәгълүматлар, ана капиталы сорап мөрәҗәгать итү турында белешмәләр, шулай ук Президент Указлары буенча балалы гаиләләргә бер тапкыр бирелә торган түләүләр турында белешмәләр хезмәт итә.

Татар Чаллысы авылы китапханәсе мәдәният йорты белән берлектә урта сыйныф укучылары өчен "Компьютер уеннары - гасыр чире!" дигән мәгълүмат сәгате үткәрде.

Камай авыл китапханәсе укучылар өчен «ИнтернетЛес буйлап сәяхәт» дип исемләнгән интернет-дәрес үткәрде.

29 сентябрь көнне Тойма авылында өлкәннәр көне алдыннан, китапханәче һәм хат ташучы бергәләп, өлкән буын кешеләренең өйләренә бару максаты белән “Күңелләрне ягымлы сүз белән җылытыйк” акциясе үткәрде.

Дөньяда һәр кеше сугыштан курка һәм үзенең киләчәге һәм балаларының, оныкларының киләчәге өчен тыныч булырга тели, баш өстендә тыныч күккә омтыла. Бу теләк һәркемгә аңлаешлы. Аны аңлату өчен төрле билгеләр һәм символлар кулланыла. Күбесендә тынычлык күгәрчен белән күзаллана. Бу охшашлык каян килеп чыккан соң? Сәйтәк авыл китапханәсе авыл клубы белән берлектә бу темага әңгәмә үткәрделәр.

Балалар китапханәсе “Кама таңнары” приютының мәктәпкәчә төркеме өчен көзге бәйрәм үткәрде (тәрбиячесе Куликова М.В.).

Менделеевскиның 1 нче һәм 4 нче мәктәпләрендә укучыларның куркынычсызлыгын тәэмин итү һәм туклануын оештыру буенча планнан тыш тикшерүләр узды.

Дәүләт Думасы тарафыннан икенче һәм өченче укылышта хәрби хезмәткә чакырылганчы кредит алган гражданнарга өлешчә мобилизация кысаларында кредит каникуллары рәсмиләштерергә мөмкинлек бирә торган закон кабул ителде. Шулай ук бу хокукны гаилә әгъзалары, һәм аларның карамагында булган затлар алачак.

29 сентябрь көнне Песәй авылы китапханәсендә «Кукляндия «иҗади остаханәсе» проекты кысаларында 2-4 сыйныф укучылары өчен (педагог-оештыручы Әхмәтгәрәева Г.Г.) «Театр һөнәрләре»дип исемләнгән әңгәмә-уен үткәрелде.