"Түгәрәк уен"
2022 елның 12 гыйнвары, чәршәмбе
11 нче гыйнвар көнне Песәй мәдәният йортында татар авылларының «Түгәрәк уен» дигән милли бәйрәме булып узды. Бәйрәмне Бөтендөнья татар конгрессының Менделеевск бүлекчәсе җитәкчесе Райхана Фархетдинова ачып җибәрде. Ул кунакларны бәйрәм белән тәбрикләде, татар мәдәнияте үсешенә зур әлеш кертүче коллективларга рәхмәт сүзләрен җиткерде.
Әлеге чарада Песәй, Турай, Тат. Тәкәш, Камай, Тойгуҗа авылларыннан килгән коллективлар чыгыш ясады. Менделеевск шәһәренең «Талларым» ансамбле тарафыннан яңгыраган җырлар да бәйрәмгә ямь өстәде. Концерт номерлары татар халкының милли уеннары белән үрелеп барды. Бигрәк тә, «Өчле», «Йөзек салыш», «Түбәтәй», «Кулъяулыгым-яулыгым», «Кашыкка йомырка салып йөгерү» кебек уеннар тамашачыларны да битараф калдырмады.
«Түгәрәк уен» ахырында Песәй җирлеге башлыгы Вильдан Мухаметгалиеев барлык катнашучыларга рәхмәтләрен белдерде, яңа форматта уздырылган чарага югары бәя бирде.
Тэги:
#менделеевскмәдәнияте
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз