Балалар бакчаларында һәм мәктәпләрдә туклануны оештыру мәсьәләсе аерым контрольдә
Кичә мәгариф оешмалары җитәкчеләренең район җитәкчесе Радмир Беляев белән киңәшмәсе булды.
Очрашуда мәктәпләрдә һәм балалар бакчаларында туклану системасын оештыру, азык-төлекне саклау шартлары, тәэмин итүчеләрдән азык-төлек кабул итү, СанПиН таләпләрен үтәү турында фикер алыштылар.
Радмир Беляев туклануны гамәлгә ашыру өчен техник биремне төзегәндә сыйфатлы азык-төлекне генә кабул итүнең мөһимлеген һәм җентеклерәк һәм грамоталы якын килүне билгеләп үтте.
- Балаларны тукландыруны оештыру аерым контрольдә тотыла. Бу бит безнең балалар иминлеге! Бу бик мөһим һәм җаваплы мәсьәлә! - диде район җитәкчесе.
Радмир Беляев шулай ук эшче төркем булдырырга, аңа барлык кирәкле җаваплы затларны да кертеп, барлык белем бирү учреждениеләрендә җентекләп тикшерү уздырырга, проблемалы мәсьәләләр буенча карар кабул итәргә, матди-техник планда ярдәм күрсәтергә кушты.
Аннары районның мәктәп һәм мәктәпкәчә учреждениеләрендә янгын куркынычсызлыгы торышы турында фикер алыштылар. Бу хакта ОНД һәм район буенча өлкән инспекторы, эчке хезмәт майоры Радик Мифтахов сөйләде. Ул билгеләп үткәнчә, кайбер мәктәпләрдә янгын сигнализациясен, яктырткычларны, люкларны һәм ишекләрне урнаштыру, алыштыру кирәк.
- Мәктәпләрдә һәм балалар бакчаларында матди-техник база барлык таләпләргә дә туры килми. Әмма без моның белән эшлибез. Һәм сездән, коллегалар, бу һәм башка мәсьәләләрдә актив һәм җаваплы эш көтәм. Чөнки алар барысы да иң кадерлеләргә балаларыбызга кагыла, - дип билгеләп үтте район җитәкчесе.