Роспотребнадзор: Балалар туклануы Роспотребнадзорның махсус контролендә
Россиядә продуктларның сыйфатына һәм иминлегенә карата таләпләр закон белән ныгытылган, контрольне Роспотребнадзор даими нигездә башкара.
Балаларны тукландыруга зур игътибар бирелә, 2020 елдан РФ Президенты йөкләмәсе буенча, барлык кече яшьтәге мәктәп укучылары да кайнар ризык белән тәэмин ителгән. Балансланган рацион сәламәт туклану кагыйдәләрен исәпкә алып төзелә. Әйтик, Россиядә майлар буенча чикләүләр кертелде-мәктәп ашханәләрендә алар 5-10% тан да артмаска тиеш. Баланың азык – төлегендә кирәкле А, В һәм С витаминнарын тоту дәрәҗәсе билгеләнде; тоз һәм шикәр куллануның тәкъдим ителә торган нормалары киметелде.; балаларны тукландыруда кондитер һәм казылык эшләнмәләрен өстәмә тоз һәм шикәр микъдары югары булган чыганаклар буларак куллану чикләнә. Дөнья күләмендә алдынгы социологик тикшеренүләрнең ачык чыганаклардан алынган мәгълүматлары буенча, башка илләрдә мәктәп төшке ашларында туклыклы матдәләр булу буенча катгый таләпләр юк яки алар бары киңәшләр формасында гына.
Роспотребнадзор сәламәт туклану мәсьәләләре буенча норматив базаны камилләштерә, шул исәптән оешкан туклануга, бигрәк тә балалар өчен таләпләрне төгәлләштерүне дә кертеп. «Сәламәт туклану», «азык-төлек продуктларының сыйфаты» һәм «кайнар туклану» төшенчәсе, шулай ук сәламәт туклану принциплары «Азык-төлек продуктларының сыйфаты һәм куркынычсызлыгы турында» 2000 елның 2 гыйнварындагы 29-ФЗ номерлы Федераль закон чыгару дәрәҗәсендә беркетелгән (01.03.2020 ел).
«Без азык-төлек продукциясенең сыйфатын кануни билгеләүне ачыкладык һәм беркеттек, яңа санитария кагыйдәләре һәм нормалар (СанПиН), шулай ук балаларның сәламәт, куркынычсыз һәм физиологик яктан тулы кыйммәтле туклануын тәэмин итүгә юнәлдерелгән санитар-эпидемиологик кагыйдәләр эшләдек. Яңа нормалар балаларның туклануын оештырганда шикәр һәм тоз куллануны киметүне, кондитер эшләнмәләре өлешен кыскартуны, шулай ук витаминнар һәм минераль матдәләр белән баетылган азык-төлек продуктларын менюсына мәҗбүри кертүне күздә тота ", - дип шәрехли Анна Юрьевна Попова, Роспотребнадзор җитәкчесе, РФ баш дәүләт санитария табибы.
Роспотребнадзор мәктәпләрдә кайнар туклану нормаларын регламентлаштыра торган «Белем бирү оешмалары өчен туклануны оештыру буенча тәкъдимнәр» чыгарды. Укучыларның туклану сыйфатын шулай ук Роспотребнадзор да контрольдә тота - тиешле белем бирү оешмаларын һәм аларны азык-төлек продуктлары белән тәэмин итүчеләрне даими һәм планнан тыш тикшерүләр уздырыла. Башка илләрдә контроль регион/штат/муниципалитет дәрәҗәсендә гамәлгә ашырыла; гадәттә контрольне җирле сәламәтлек саклау органы үткәрә.
Роспотребнадзорның «Сәламәт туклану» проекты, «Демография» илкүләм проекты кысаларында россиялеләрнең туклануына даими мониторинг ясала һәм халыкның туклануы сыйфатын яхшырту эше алып барыла. Балалар һәм яшүсмерләрнең туклану сыйфатын һәм куркынычсызлыгын контрольдә тотуга аерым игътибар бирелә. Эшнең мөһим юнәлешләреннән берсе - мәктәптә туклану торышын күзәтү системасын булдыру. Даими режимда балалар катнашында ата-аналарны сораштыру һәм балалар туклану оештырылган мәгариф учреждениеләре белешмәләрен анализлау юлы белән укучыларның фактик рационын бәяләү уздырыла. Нәтиҗәләр буенча мәктәп рационын яхшырту һәм оптимальләштерү уздырыла. Укучылар өчен сәламәт һәм баланслы меню төзү эше «Ашыгыч туклану һәм биотехнология ФИЦ» ФДБУН һәм Россия Мәгариф министрлыгы белгечләре катнашында дәвам итә.
Мәктәп туклануы буенча Роспотребнадзорның кайнар линияләре даими уза, анда белгечләр ата-аналар сорауларына җавап бирә һәм тулы аңлатмалар бирә. Ата-аналар бергәлеге белән актив эш алып барыла, "Гомуми белем бирү оешмаларында балаларның кайнар туклануын оештыруга ата-аналар контроле" методик киңәшләре эшләнде, алар укучыларның ата-аналарына туклану хезмәтләренең сыйфатын бәяләргә мөмкинлек бирә.
Проект кысаларында шулай ук "Сәламәт туклану" мобиль кушымтасы булдырылды, ул ата-аналарга гаилә рационын күзәтергә ярдәм итә, шулай ук кибеттә сатып алу вакытында товарларның сыйфатын тикшерергә ярдәм итә/ Сәламәт туклану күнекмәләре мәктәптә генә түгел, беренче чиратта, балаларда сәламәт туклану гадәтләре барлыкка килсен, алар өлкәннәр тормышына күчерә алсын өчен, гаиләдә җайлашырга тиеш.