Татарстан Республикасы территориясендә метеорологик күренешләрнең киеренкелеге турында кисәтү
«Татарстан Республикасы Гидрометеорология һәм әйләнә-тирә мохитне күзәтү идарәсе» Федераль дәүләт бюджет учреждениесе мәгълүматлары буенча: « 2022 елның 16 июнендә көндез һәм кич, 17 июнендә төнлә ( 16 июнь 12 сәгатьтән 17 июнь 7 сәгатькә кадәр) Татарстан Республикасы территориясендә һәм Казан шәһәрендә урыны белән яшенле яңгырлар, көчле яңгырлар, боз, җилнең тизлеге 15-20 м/с, урыны белән 24 м/с га кадәр саклана».
Татарстан Республикасы территориясендә фаразланучы метеорологик күренешләрне исәпкә алып, хәвеф-хәтәрләр арта: энергетика комплексы һәм ТКХ объектларында аварияләр; аз ныгытылган, киң форматлы, төзелеш һәм реклама конструкцияләре җимерелү, карт агачларның авуы; төзелеш мәйданчыкларында биек краннарның авып төшүе; яшеннән саклау белән тәэмин ителмәгән объектларның, шул исәптән биналарның атмосфера электры разряды (яшеннән саклау) белән җиһазландырылмавы; юл-транспорт һәлакәтләре; транспорт инфраструктурасы объектларын, түбәнлекләрне һәм урам-юл челтәрен су басу.
Шулай ук елга һәм авиация транспортында гадәттән тыш хәлләр (һәлакәтләр) ихтималы да арта, һава шартлары республика территориясендә аэропортлар эшен шактый чикли ала.