Эштән киткәннән соң эшләүче пенсионерның пенсиясе

Эшләгән пенсионерга эштән киткәннән соң пенсия, барлык индексацияләрне исәпкә алып, эштән азат ителү аеннан соң килгән айдан исәпләнә.

Эшләүче пенсионерлар, федераль законнарда билгеләнгәнчә, иминият пенсиясен һәм аңа беркетелгән түләүне план индексацияләрен исәпкә алмыйча алалар. Әлеге закон нормасы иминият пенсияләрен алучыларга гына кагыла.

Хезмәт эшчәнлеге туктатылганнан соң – эш һәм (яки) башка эшчәнлек туктатылганнан соң – хезмәт эшчәнлеген гамәлгә ашыру чорында  булган индексацияләрне исәпкә алып, иминият пенсиясе эш һәм (яки) башка эшчәнлек туктатылган айдан соң килүче айның 1 числосыннан башлап түләнә. Шул ук вакытта Пенсия фондына гариза бирергә кирәкми, чөнки эш бирүчеләр һәр айның 15 числосына кадәрРПФна хисап җибәрәләр һәм эшне башкару факты автомат рәвештә билгеләнәчәк. Хәер, гражданин РПФна эш һәм (яки) башка эшчәнлекне гамәлгә ашыру (туктату) факты турында гариза бирергә хокуклы.

Мәгълүматларны эшкәртү һәм исәпкә алганнан соң, Пенсия фонды, иминиятләштерүчедән алынган көннән бер ай эчендә, карар кабул ителгән айдан соң килгән айдан соң килгән индексацияне исәпкә алып, пенсия суммасын түләү турында тиешле карар кабул итә.

Әйтик, пенсионер апрель аенда эштән киткән. Май аенда РПФКА эш бирүчедән апрель ае өчен хисап киләчәк,анда пенсионер әле эшләүчеләр санала. Июнь аенда РПФ  эшләмәүче пенсионерның саналмаган май өчен хисап алачак. Июль аенда РПФ индексацияне яңарту турында карар кабул итәчәк, һәм август аенда пенсионер пенсиянең тулы күләмен, шулай ук алдагы өч ай – май, июнь, июль айларында пенсиянең элекке һәм яңа күләме арасындагы аерманы алачак. Ягъни пенсионер эштән киткәннән соң өч айдан соң пенсиянең яңа индексацияләнгән күләмен ала башлаячак, тик бу өч ай аңа компенсацияләнәчәк.

Әгәр пенсионер күпмедер вакыттан соң яңадан эшкә урнашса,аның иминият пенсиясе күләме кимемәячәк.