"Электрон хезмәт кенәгәсе» җиңү яулады
Россия Пенсия фондының Татарстан Республикасы буенча бүлеге хәбәр иткәнчә, Халыкара социаль тәэмин итү оешмасы (МАСО) Россия Пенсия фондын «Электрон хезмәт кенәгәсе» проекты өчен Мактау грамотасы белән бүләкләде. Бүләкләү тантанасы май башында социаль өлкәдә алдынгы тәҗрибәләр халыкара конкурсы кысаларында узды.
Электрон хезмәт кенәгәсе хезмәткәрләргә дә, эш бирүчеләргә дә уңайлы булган цифрлы инструментны куллануда гади бер корал булып тора. Беренче булып ул һөнәри эшчәнлек турындагы мәгълүматларга даими керүне һәм мәгълүматның югары дәрәҗәдә куркынычсызлыгын тәэмин итә. Эш бирүчеләрне электрон кенәгә кадрлар исәбенең искергән формаларыннан һәм моның белән бәйле чыгымнардан арындыра.
Электрон хезмәт кенәгәләре 2020 елда кертелә. Хәзерге вакытта Татарстан Республикасында 316 меңнән артык кеше, кәгазь варианттан баш тартып, электрон хезмәт кенәгәсен сайлады.
Халыкара социаль тәэмин итү оешмасы алдынгы практикалары конкурсын әйдәп баручы милли оешмаларның һәм илләрнең социаль сәясәтне гамәлгә ашыруда иң яхшы тәҗрибәләрен билгеләп үтү өчен 2008 елдан бирле уздырыла. Бүләк халыкара жюрига бирелә, ә лаек булган гаризалар иң яхшы тәҗрибәләр реестрында бастырыла, анда актуаль социаль мәсьәләләрне хәл итүдә яңа алымнар ачык күренә.