Әлфия Когогина: закон проекты экспортны арттыруда һәм азык-төлек куркынычсызлыгын тәэмин итүдә актив катнашучы кече хуҗалыкларга сату-алуларсыз гына җир бирү мөмкинлеге бирә
Дәүләт Думасы кече хуҗалыкларның авыл хуҗалыгы билгеләнешендәге җирләрен сату- алуларсыз гына биш елга арендага алу мөмкинлеге турында закон проектын беренче укылышта кабул итте.
Дәүләт Думасы депутаты, кече һәм урта эшмәкәрлек комитеты рәисенең беренче урынбасары Әлфия Когогина: «Бердәм Россия» халык программасы" белән экспортны үстерүдә, азык-төлек куркынычсызлыгын тәэмин итүдә нәтиҗәле катнашучы эре хуҗалыклар, агрохолдинглар һәм кече хуҗалыклар арасында дәүләт ярдәме чараларын яңадан бүлү зарурлыгы билгеләп үтелде. Новелла зур булмаган хуҗалыкларга сату-алуларсыз гына биш елга арендага бирү мөмкинлеге бирә һәм җир аукционнарында кече бизнес белән хуҗалык итүнең кече рәвешләрен көндәшлек итү мөмкинлеге булмау проблемасын хәл итәргә мөмкинлек бирә".
Документта граждан яисә крестьян (фермер) хуҗалыгына дәүләт милкендәге яисә муниципаль милектәге авыл хуҗалыгы билгеләнешендәге җирләрдән бер мәртәбә арендага сату-алулар үткәрмичә генә крестьян (фермер) хуҗалыгы тарафыннан аның эшчәнлеген гамәлгә ашыру өчен 5 елга кадәр вакытка арендага җир кишәрлеге алу мөмкинлеген билгеләү тәкъдим ителә.
Закон проекты авыл хуҗалыгы билгеләнешендәге җирләрнең әйләнешен җайга салучы, хокук куллану практикасы белән ачыкланган гамәлдәге законнардагы җитешсезлекләрне бетерү максатларында әзерләнгән.