"Җырларымда яшәрмен"

2022 елның 10 августы, чәршәмбе

9 нчы август көнне Песәй мәдәният йорты мәйданчыгында күренекле композитор, танылган пианист, СССР ның халык артисты Рөстәм Яхин иҗатына багышланган "Җырларымда яшәрмен" дигән бик матур чара булып узды. Күпкырлы талант иясенең тормыш юлы, иҗаты турында балалалар кызыксынып тыңладылар, аның җырлары белән дә таныштырылды. Композитор иҗат иткән Татарстан Республикасының гимнын аягүрә басып тыңладылар. Соңыннан" Түгәрәк уен" оештырылды, балаларга татар халкы яратып уйный торган уеннар тәкъдим ителде. Кичәдә катнашучыларга баллы призлар өләшенде.