Роспотребнадзор: Мәктәптә авыруларны профилактикалау турында

Роспотребнадзор баланың грипп, кискен сулыш вирусы инфекциясе яки мәктәптә яңа коронавируслы инфекция белән авыруы куркынычын киметергә ярдәм итәчәк гади кагыйдәләр турында искә төшерә.

1. Балагызныж мәктәп рюкзагына антисептик салфеткалар салыгыз. Аларны баланың мәктәпкә килгәннән соң, шулай ук, кирәк булганда, йөткергәннән яки төчкергәннән соң, кулны сөртү өчен кулланырга мөмкин. Моннан тыш, алар эш урынын / партаны / компьютер техникасын сөртергә кирәк булачак.

2. Баланың киеменә игътибар итегез. Мәктәп өчен иң мөһиме уңайлы булырга тиеш. Ул хәрәкәтне кысарга, артык җылы яки бик җиңел булырга тиеш түгел. Баланы һава торышына карап киендерегез. Балалар һәм яшүсмерләр өчен кием сайлаганда, табигый тукымаларга өстенлек бирегез – мамык, йон тукымалар.

3. Алмаш аяк киеме турында онытмагыз. Бу сыйныфта чисталыкны сакларга ярдәм итә. Моннан тыш, җиңел алышынган аяк киемендә балага җылы урамда кигән аяк киеменә караганда уңайлырак булачак.

4. Баланың иминлеген игътибар белән күзәтегез. Температурасы күтәрелсә,  өйдә калырга һәм табиб чакырырга тиеш.

5. Балагызга мәктәпкә кергәндә  «иртәнге фильтр» вируслы авырулар таралуны булдырмаска ярдәм итүче мөһим процедура икәнен аңлатыгыз. Әгәр температура 37.0 С-тан югары булса, балага кирәкле медицина ярдәме күрсәтеләчәк.

6. Балага төчкергәндә борынын һәм авызын дөрес капларга өйрәтегез. Төчкерү һәм йөткерү вакытында борынны һәм авызны бер тапкыр кулланыла торган сөлге, кулъяулык яки терсәк белән капларга кирәк.

7. Балаларга кул юуның мөһимлеге турында искәртегез-аеруча ашау алдыннан, бәдрәфкә барганнан соң, физкультура дәресләреннән соң, урамнан кайткач.

8. Балагызга кулларын дөрес юарга аңлатыгыз. Кул юу вакыты ким дигәндә 30 секунд булырга тиеш. Кулларны, бармакларны, бармак араларын, кул аркаларын җылы су белән яхшылап юарга һәм кәгазь сөлге яки салфетка белән киптерегез. Шулай ук кул киптергечне кулланырга мөмкин.

9. Дөрес туклану-баланың сәламәтлегенең нигезе. Онытмагыз, мәктәптә кайнар ашау – сәламәтлек, гармонияле үсеш, яхшы иммунитет һәм баланың яхшы кәефе нигезе.

10. Балаларның исенә төшерегез, тәнәфес вакытында арка һәм муен  мускулларын йомшарту өчен гади күнегүләр ясау файдалы.

11. Дәресләр арасында, сыйныфта балалар булмаганда, үтәли җилләтү оештырырга кирәк. Онытмагыз, саф һава җитмәү кәефне начарлата һәм организмның вирусларга һәм бактерияләргә каршы торуын киметә.

12. Балаларга дәрес вакытында физкультминутлар ясарга кушыгыз. Физкультминутлар дәрес башланганнан соң 25-30 минут узгач үткәрелә. Күз гимнастикасы өчен күнегүләр ясау һәм бер-береңә елмаю өчен эшләнергә мөмкин. Мондый кечкенә тәнәфесләр балаларга үзләрен яхшырак хис итәргә, югары эшкә сәләтлелекне сакларга, шулай итеп дәрес материалын уңышлы үзләштерергә ярдәм итәчәк.

Сәламәт булыгыз!