Белем бәйрәме

2022 елның 5 сентябре, дүшәмбе

1 нче сентябрь - Белем көне. Мәктәп балаларның шат авазына күмелде. Матур чәчәк бәйләмнәрен кулларына тотып, пөхтә итеп киенеп, алар белем йортларының бусагасын атлап керде. Әлеге бәйрәмдә Песәй мәдәният йорты хезмәткәрләре дә катнашты. Балалар тарафыннан әзерләнгән әдәби-музыкаль чыгыш килгән кунакларның күңеленә хуш килде. Мәдәният йорты тормышында актив катнашучыларга рәхмәт сүзләре җиткерелде.